Diplomati rus, i hetuar për veprimtari inteligjence në Bullgari, është larguar nga territori i vendit me një fluturim direkt për në Moskë bashkë me familjen e tij, bëri të ditur Ministria bullgare e Punëve të Jashtme. Për shkak të qëndrimit negativ të një prej institucioneve në Sofje i është refuzuar vizë një shtetasi tjetër rus, i cili duhej ta merrte postin “atashe i çështjeve të mbrojtjes” në Ambasadën ruse në Sofje. MPJ-ja saktësoi se kjo nuk është procedurë e shpalljes së tij “persona non grata” dhe se Moska është informuar për vendimin në fjalë.