Bullgaria është e hapur për një partneritet edhe më aktiv ekonomik dhe investues me Japoninë, tha presidenti Rumen Radev në një takim me kryeministrin Shinxo Abe. Takimi u zhvillua në kuadrin e vizitës së kreut bullgar të shtetit në Tokio ku ndodhet për të marrë pjesë në kurorëzimin e perandorit Naruhito, njoftuan nga qendra e shtypit të kreut të shtetit. Shembujt e mirë të bashkëpunimit midis kompanive bullgare dhe japoneze në industrinë automobilistike, energjetikë dhe prodhimin e ushqimeve duhet të shfrytëzohen si model për zgjerimin e mëtejshëm të investimeve japoneze në Bullgari, theksoi zoti Radev. Kryeministri Abe vuri në dukje vlerësimin e lartë të kompanive automobilistike japoneze për furnizimet e komponentëve dhe pjesëve të automobilave nga Bullgaria. Ai shtoi, se Japonia shfaq interes për një bashkëpunim edhe më të ngushtë në këtë fushë.