Programi i ditës
Madhësia e tekstit
Radioja Kombëtare Bullgare © 2025 Të gjitha të drejtat janë të rezervuara

Në Britaninë e Madhe zbuluan 39 kufoma në një kamion me regjistrim bullgar

| rinovuar më 19-10-23 6.16.MD
Foto: EPA/BGNES

Policia britanike njoftoi se në afërsi të Londrës janë zbuluar 39 kufoma në kontejnerin e një kamioni për të cilin konsiderohet se ka ardhur nga Bullgaria. Policia në Eseks tha se njerëzit janë shpallur të vdekur që në vendin e zbulimit të kamionit, në një park industrial në lindje të Londrës. Supozohet se viktimat janë 38 të moshuar dhe një adoleshent. Nga qendra e shtypit e Ministrisë së Punëve të Jashtme njoftuan se tani për tani nuk mund të ripohohet se kamioni që u zbulua në Eseks është me regjistrim bullgar. Nuk ka të dhëna për kombësinë e të vdekurve. Një burrë 25 vjeçar nga Irlanda e Veriut u arrestua me dyshimin se është vrasësi.
Ministria e Punëve të Brendshme nuk ka informacion për këtë kamion. “Në Ministrinë e Punëve të Brendshme nuk ka ardhur informacion deri tashti”, tha ministri i punëve të brendshme Mlladen Marinov.
Kamioni i zbuluar në qarkun anglez Eseks është me regjistrim bullgar, njoftoi Radioja Kombëtare Bullgare. Automjeti është pronë e firmës së një shtetaseje irlandeze. Kontrollimi i Ministrisë së Punëve të Brendshme tregon se kamioni është regjistruar në Bullgari më 19 qershor të vitit 2017 ndërsa ditën tjetër, 20 qershor 2017, ka dalë nga vendi dhe që nga atëherë nuk është kthyer në territorin e Bullgarisë. Ministria e Punëve të Jashtme ripohoi se kamioni është me regjistrim bullgar, pasi Ambasada e Bullgarisë në Britaninë e Madhe mori zyrtarisht informacion nga policia britanike.
“Jemi shumë të trishtuar nga vdekja e aq shumë njerëzve”, tha kryeministri Bojko Borisov. “Që pas regjistrimit të kamionit ai nuk ka hyrë në Bullgari. Kështu që nuk është e mundshme të kemi lidhje me këtë rast, përveç targës së kamionit”, theksoi kryeministri.



Последвайте ни и в Google News Showcase, за да научите най-важното от деня!

Më shumë nga rubrika

Parashikimi i motit për 6 shkurtin

Të enjten temperaturat minimale do të jenë nga minus 6 deri në minus 1°, në Sofje – rreth minus 4°. Para mesditës, prishja më e ndjeshme dhe reduktimi i mbulesës së reve që filloi në perëndim do të vazhdojë në rajonet lindore të vendit. Do të fryjë erë..

botuar më 25-02-05 7.40.MD

Bullgaria merr pjesë në ekspozitën më të madhe turistike në Turqi EMITT 25

Ekspozita Ndërkombëtare e Turizmit dhe Udhëtimit në Mesdheun Lindor EMITT 25 u hap në Stamboll dhe do të zgjasë deri më 7 shkurt. Ekspertët e vendosin atë ndër pesë ekspozitat më të mëdha turistike në botë. Në forum marrin pjesë mbi 400 operatorë..

botuar më 25-02-05 6.13.MD

Bullgaria mori kompensim për ndihmën e saj për Ukrainën

348 milionë leva /178 milionë euro/ hyrën në buxhetin e Ministrisë së Mbrojtjes në fund të janarit sipas marrëveshjes së kompensimit për ofrimin e ndihmës për Ukrainën. Këtë e njoftoi në një konferencë për mediat në Këshillin e Ministrave ministrja e..

botuar më 25-02-05 5.56.MD