Në takimin tradicional vjetor të qeverisë me biznesin, organizuar nga Dhoma Tregtare Amerikane, presidenti i Dhomës në Bullgari Olivier Marquette përcaktoi sektorët kyç për bashkëpunim midis Shteteve të Bashkuara të Amerikës dhe Bullgarisë: teknologjitë digjitale, intelekti artificial, siguria kibernetike. Ai rikujtoi për gatishmërinë e “ Westinghouse Electric Company LLC” për pjesëmarrje më aktive në fushën e energjetikës bërthamore bullgare. “Biznesi amerikan në Bullgari ka dëshirë të fortë të zhvillojë një dialog, i cili do të forcojë pavarësinë e energjetikës bullgare”, deklaroi Market.

“Ekonomia bullgare është mjaft e pjekur, që të mund të shkelë në tregun e Shteteve të Bashkuara” deklaroi nga ana e tij Petër Ivanov, drejtori ekzekutiv i Dhomës Tregtare Amerikane në Bullgari. Sipas fjalëve të tij, qeveria ka kontribuar për zhvillimin e bashkëpunimit transatlantik me vendimin për blerjen e 8 gjuajtësve F-16 bllok 70.

Kryeministri Bojko Borisov vuri në dukje se derisa janë zhvilluar bisedimet për gjuajtësit, qeveria është akuzuar për lobim, por bindi se asnjëherë në asnjë mënyrë gjatë bisedimeve nuk ka pasur lobim të tillë.