Në Sofje, në sallën për ekspozita të Magazinit Qendror Universal /MAPO/ deri më 13 tetor, për herë të 16-të të radhës po zhvillohet ekspozita “I besoni prodhimit bullgar”. Dhjetëra prodhues bullgarë, tregtarë dhe sipërmarrës, propozojnë produkte të ndryshme bullgare. Më të shumta janë firmat, të cilat merren me kozmetikë, ushqime dhe pije, si dhe ato për konfeksion, prodhime të trikotazhit dhe të lëkurës. Vizituesit mund të blejnë veshje sportive dhe elegante për stinën e vjeshtës dhe të dimrit me çmime atraktive, dhe po kështu të blejnë çanta dhe këpucë prej lëkure, si dhe modele të reja të kapelave dhe aksesorëve, rroba të punuara me dorë dhe shalle me ornamente bullgare.