Dhoma Bullgare e Industrisë  po fillon një projekt për inkurajimin e njerëzve, të cilët dëshirojnë të punojnë pas mbushjes së moshës. Projekti “Veprimet e përbashkëta të partnerëve socialë për përshtatjen e mjedisit të punës ndaj nevojave specifike të njerëzve të moshave të ndryshme” financohet me mbi 850 mijë euro  nga Fondi Social Evropian në kuadrin e Programit Operativ “Zhvillimi i Resurseve Njerëzore”. Projekti do të realizohet nga Dhoma Bullgare e Industrisë në partneritet me Konfederatën e Sindikatave të Pavarura në Bullgari gjatë 2 vjetëve të ardhshme. Projekti do të mbështesë 10 sektorë të ekonomisë, 120 ndërmarrje dhe 2000 të punësuar. Nga Dhoma e Industrisë citojnë të dhënat demografike, sipas të cilave punonjësit më të moshuar në moshë nga 55 deri më 65 vjeç e më shumë, përbëjnë shumicën e punëtorëve në Bullgari. Gjatë vitit 2003 ata kanë qenë 12%, derisa gjatë vitit 2019 – mbi 23% të të punësuarve në vend.