Vazhdimi i punës i minierave të qymyrit dhe i centraleve termoelektrike është qëllimi kryesor i punës sonë, sepse kështu do të garantohet siguria energjetike e Bullgarisë. Këtë e tha Ministrja e energjetikës Temenuzhka Petkova në takimin e saj me sindikatat e punëtorëve në sektorin e energjetikës.

Ajo kujtoi se në planin e integruar të vendit në sferën e energjetikës dhe klimës është parashikuar vazhdimi i punës së centraleve termoelektrike të kompleksit “Maritsa-Iztok” deri në vitin 2030 me horizont deri më 2050. Centralet që punojnë me qymyrgure do të mbeten prodhuesit kryesorë të energjisë elektrike në Bullgari. Arsyeja për këtë është se vendi disponon me vendburime linjiti, kurse s’ka gjë më të sigurt për diversifikimin e burimeve energjetike se resursi vendor.