Bullgaria përpiqet të ndjekë një politikë të balancuar dhe pragmatike ndaj Rusisë, deklaroi në Kuvend Kryeministri Bojko Borisov. Problemi i vetëm i pazgjidhur ndërmjet të dyja vendeve tona, për të cilin po vazhdojmë të zhvillojmë bisedime është ai i lidhur me licencat e armëve. Sipas Borisovit projekti për Centralin Atomik Elektrik “Belene” ka dështuar para disa vjetëve për shkak të mungesës së qartësisë rreth çmimit. Tani situata është ndryshe. 12 kompani të huaja tregojnë interes për ndërtimin e centralit dhe në konsorciumin e ardhshëm do të marrë pjesë “Rosatom”, sepse nga kjo kompani tashmë janë blerë reaktorët.

Kryeministri shtoi se sanksionet evropiane kundër Rusisë do të mbeten derisa Rusia nuk fillon t’i respektojë Marrëveshjet e Minskut. Borisovi shtoi se po përgatitet një vizitë e presidentit rus Vladimir Putin në Bullgari vitin e ardhshëm.