Ministria bullgare e Punëve të Jashtme paraqiti pozitën e vet zyrtare me rastin e aktivitetit të organizuar nga Ambasada e Federatës Ruse më 9 shtator – “Ekspozita 75 vjet nga çlirimi i Evropës Lindore nga nazizmi”. Ministria deklaroi se më 9 shtator 1944 është bërë komplot, i cili është rrjedhojë e drejtpërdrejtë e shpalljes së luftës kundër Bullgarisë nga ana e Bashkimit Sovjetik. Lufta u shpall pas marrjes së pushtetit nga qeveria e porsazgjedhur demokratike, e cila ishte për ndërprerjen e lidhjeve me Gjermaninë naziste. Kjo u pasua nga një okupim i përkohshëm i Bullgarisë nga Bashkimi Sovjetik dhe aleatët. “Pa refuzuar kontributin e Bashkimit Sovjetik për fitoren kundër nazizmit në Evropë nuk mund të kalojmë në heshtje faktin se armët e Ushtrisë Sovjetike u shkaktuan popujve në Evropën Qendrore dhe Lindore represione, mbytje të përgjegjësisë së qytetarëve, zhvillim të deformuar ekonomik dhe shkëputje nga dinamika e proceseve në shtetet e zhvilluara demokratike”, shënohet në deklaratën e MPJ-së.