Kryeministri Bojko Borisov mirëpriti në Sofje Kryetaren e porsazgjedhur të Komisionit Evropian (KE) Ursula von der Leyen. Vizita është pjesë e konsultimeve të Ursula von der Leyen me liderët e vendeve-anëtare të BE-së para paraqitjes së përbërjes së plotë të Komisionit të ri për miratim para Parlamentit Evropian. Kryetarja e KE-së vuri në dukje se Bullgaria është një anëtare e rëndësishme e BE-së dhe e falënderoi për zgjedhjen e saj në këtë postë. Ajo theksoi se pret një bashkëpunim shumë të mirë me Bullgarinë dhe me Komisarin bullgar. Borisov tha nga ana e vet se Ursula von der Leyen i ka kuptuar shumë mirë prioritetet e qeverisë bullgare. “Jo vetëm digjitalizimi, për të cilin flasim, janë të rëndësishëm dhe njerëzit – shënoi ai. Evropa Qendrore dhe ajo Lindore kanë një potencial të madh. Shumë shtetas të ish-vendeve socialiste shkuan në Perëndim për të punuar. Tani Perëndimi është i detyruar të investojë, që të rritim përsëri kualifikimin dhe konkurrueshmërinë e shteteve nga Evropa Qendrore dhe Lindore”, tha Bojko Borisov.