Kryeministri i Bullgarisë Bojko Borisov pati takim me ministrin e punëve të jashtme të Mbretërisë Hashemite të Jordanisë Ajman Al-Safadi (Ayman Safadi), njoftuan nga qendra qeveritare e shtypit. Gjatë bisedimeve kryeministri Birisov theksoi, se Jordania është partnere e rëndësishme e Bullgarisë në regjionin e Lindjes së Mesme dhe të Afrikës së Veriut. Në qendrën e vëmendjes së bisedimeve ishte Procesi “Akbar” iniciuar nga mbreti i Jordanisë Abdula II në vitin 2015 për konsolidimin e bashkëpunimit ndërkombëtar dhe regjional kundër rreziqeve të terrorizmit, radikalizmit dhe ekstremizmit të dhunshëm. Kryeministri Borisov theksoi se Bullgaria vlerëson lartë nismat e mbretit të Jordanisë për luftimin e terrorizmit, pjesë e rëndësishme e të cilave janë takimet e Procesit “Akbar”. Kryeministri bullgar shtoi se jemi gati të diskutojmë format e mundshme të bashkëpunimit në Procesin “Akbar” në kuadrin e formateve të tjera si për shembull Procesi i Bashkëpunimit në Evropën Juglindore ose Procesi i Berlinit. Borisov dhe Al-Safadi shqyrtuan edhe çështjet për stimulimin e marrëdhënieve ekonomiko-tregtare dhe të investimeve. I përbashkët ishte qëndrimi për vendosjen e kontakteve më të ngushta midis bashkësive të biznesmenëve të të dyja vendeve.