Me vendim të Gjykatës së Lartë Administrative u hodhën poshtë përfundimisht ankesat e shoqatave “Koalicion për zhvillim të qëndrueshëm” dhe “Ekogllasnost” kundër vlerësimit ekologjik të projektit për depon kombëtare për mbeturina me radioaktivitet të ulët dhe të mesëm në sheshin e centralit atomik “Kozlloduj” afër qytetit Kozlloduj të Bullgarisë Veriperëndimore. Këtë e bëri të ditur ndërmarrja shtetërore “Mbeturina radioaktive” e cila e zbaton projektin. Në depo do të dërgohen mbeturina të rrezikshme nga energjetika, mjekësia, industria, bujqësia dhe shkenca. Depoja, e cila duhet të jetë gati deri në vitin 2021, kushton 70 mln euro, të cilat janë siguruar nga Fondi Ndërkombëtar “Kozlloduj” që të kompensojnë mbylljen e parakohshme të reaktorëve nga 1 deri 4 të centralit të vetëm atomik bullgar.