Gjatë korrikut 2019 rritet treguesi i përbashkët i besimit të konsumatorëve me 0.8 pikë në krahasim me tremujorin e mëparshëm. Kjo është në sajë të tendencave pozitive në besimin e qytetarëve nga qytetet më të mëdha, informoi Instituti Kombëtar i Statistikave. Ata, të cilët jetojnë në qytete e vlerësojnë situatën, në të cilën jetojnë si më e mirë, kurse njerëzit në fshatra kanë qëndrime më negative. Shumica e konsumatorëve pohojnë se gjatë 12 muajve të fundit ka rritje të çmimeve dhe pritjet për inflacionin për vitin e ardhshëm mbeten të njëjtat. Njerëzit (sidomos ata në fshatrat dhe vendbanimet e vogla) presin se në të ardhmen e afërt (12 muajt e ardhshëm) do të ketë shkurtime të vendeve të punës. Ka dhe qëndrime më pozitive ndër banuesit e qyteteve të mëdha dhe tendenca për blerjen e sendeve për përdorim afatgjatë dhe pronave të paluajtshme gjatë 12 muajve të ardhshme.