Qeveria bullgare siguron 379 mln. euro nga buxheti shtetëror për ndërtimin e segmentit të autostradës “Struma”, i cili kalon përmes grykës malore në rajonin e qytetit Kresna. Mjetet financiare do të përdoren për ndërtimin e objektit, bashkë me financimin e miratuar që vjen nga Bashkimi Evropian. Autostrada në këtë rajon do të përmirësojë rrjetin e transportit në Evropën Juglindore dhe do të lehtësojë bashkëpunimin ndërmjet vendeve në Pjesën Jugore të Ballkanit. Aksi i ri do të sigurojë kushte më të sigurta të udhëtimit dhe do të shkurtojë kohën e udhëtimit në drejtimin veri-jug në territorin bullgar, thuhet në motivet e vendimit të Këshillit të Ministrave. “Struma” është pjesë e korridorit të transportit të Mesdheut Lindor, i cili hyn në rrjetin trans-evropian të transportit që kalon përmes territorit të Bullgarisë dhe vazhdon në drejtim të Detit Egje.