Përfaqësues të më shumë se 20 organizatave të ndryshme u mblodhën për të protestuar para godinës së Bashkisë së Kryeqytetit kundër ndërtimit të tepruar, kundër ndërtimit në parqe dhe në hapësira midis pallateve të banimit në Sofje. Protestuesit insistojnë për rishqyrtimin e të gjitha planeve urbane, të cilat parashikojnë ndërtesa të reja në vende të mbipopulluara, sepse kjo ul cilësinë e jetesës së kryeqytetasve. Protestuesit ishin përkrahur nga avokatja e popullit Maja Manollova. Kryetarja e bashkisë Jordanka Fandëkova tha para protestuesve se qëllimet e saj përkojnë plotësisht me dëshirat e tyre, por jo gjithmonë bashkia ka të drejtën të ndalojë ndërtimet, sepse shpesh ato realizohen në toka private, kurse sipas Kushtetutës bullgare prona private është e paprekshme.