Zëdhënësi i Komisionit Evropian Alexander Winterstein ka deklaruar se pozita e kryetarit Jean-Claude Juncker për aderimin e Bullgarisë dhe të Rumanisë në Shengen nuk ka ndryshuar, bëri të ditur nga Brukseli korrespondentja Angelina Piskova. Winterstein e ka shënuar këtë duke iu përgjigjur pyetjes për pozitën e shprehur nga Ministri holandez i Punëve të Jashtme Stef Blok dje në kuadrin e vizitës së tij në Bullgari se që ta përkrahë Bullgarinë për Shengenin, Holanda do që të bindet se vendi ynë i ruan mirë kufijtë e jashtëm të BE-së dhe se lufton në mënyrë efektive kundër korrupsionit dhe trafikimit të njerëzve. Kryetari i Komisionit Evropian Jean-Claude Juncker ka shprehur jo një herë përkrahjen e vet ndaj aderimit të Bullgarisë dhe të Rumanisë në Shengen.