Pas shirave të stuhishëm gjatë ditëve të fundit në qytetin e dytë bullgar për nga madhësia - Plovdiv, situata aty pak nga pak u normalizua. Reshjet e mëdha përmbytën ndërtesa publike dhe private. Për shkak të situatës u mblodh Shtabi i Krizave. U dha ndihma e duhur për nxjerrjen  e njerëzve të cilët kishin mbetur në rrugë me automobilat e vet, si dhe të invalidëve të cilët jetojnë vetëm në banesat e tyre të përmbytura. Shira të stuhishëm u derdhën dhe në qytete të tjera të vendit . Në qytetin Veliko Tërnovo lumi Jantra doli nga shtrati. Uji ka arritur deri në portat e kishës historike “Sh. 40 Dëshmorët e Sebastisë“ që është në pjesën më të ulët të qytetit dhe ka rrezik të përmbushë brendësinë e kishës.