Komisioni Qendror i Zgjedhjeve shpalli shpërndarjen përfundimtare të mandateve për deputetë bullgarë në Parlamentin Evropian. Partia GERB dërgon në PE 6 përfaqësues të saj, Partia Socialiste opozitare (BSP) – 5 deputetë, Lëvizja për të Drejtat dhe Liritë (DPS) – 3, VMRO do të ketë dy deputetë evropianë, kurse koalicioni i së djathtës “Bullgaria Demokratike” – një.

Ndryshime pas votimit ka në listat e kandidatëve të dy partive – BSP (kandidati i pestë në listën fillestare Sergej Stamnishev zë vendin e dytë). Zgjedhësit e VMRO-së kanë parapëlqyer kandidatin e katërt – regjisori Andrej Sllabakov, i cili do të jetë evrodeputeti i dytë i kësaj partie. Pjesëmarrja e zgjedhësve është 32.46 për qind. GERB fiton 31.07 për qind, Partia Socialiste Bullgare – 24.26%, Lëvizja për të Drejtat dhe Liritë - 16.55%, VMRO - 7.36 për qind dhe “Bullgaria Demokratike” 6,06%. Me “Nuk përkrah askë” kanë votuar pak mbi 3% të votuesve.