Tashmë janë përpunuar të gjitha procesverbalet zgjedhore në Komisionin Qendror të Zgjedhjeve. Të dhënat prej tyre tregojnë se partia në pushtet GERB fiton bindshëm me rezultat 31,07% në zgjedhjet për deputetë evropianë. Forca e dytë politike – Partia Socialiste Bullgare është me rezultat 24,26%. Partia tjetër opozitare Lëvizja për të Drejtat dhe Liritë fiton 16,55 për qind. Nacionalistët nga VMRO kanë rezultat 7,36%, kurse koalicioni i së djathtas “Bullgaria Demokratike” - 6,06 për qind dhe ai do të dërgojë një deputet në Parlamentin Evropian. Pjesëmarrja zgjedhore është 33,27%. Fletëvotimet me preferenca për kandidat konkret janë 36,71%. Secili votues i dytë i partisë VMRO dhe i “Bullgarisë Demokratike” ka rirenditur listën e kandidatëve. Rezultatet përfundimtare me emrat konkretë të deputetëve bullgarë në Parlamentin e ri Evropian do të shpallen të premten.