Në takimin me Prokurorin e Përgjithshëm Sotir Cacarov Presidenti Rumen Radev ka deklaruar se çdo ndryshim në statusin e kryeprokurorit që po diskutohet, duhet të realizohet pas zgjedhjes së titullarit të ri të këtij posti. Cacarovi ka thënë se ndryshimet në kompetencat e Kryeprokurorit dhe në statusin e shefave të gjykatave duhet të bashkërenditen me këshillat e Komisionit Evropian. Në se ky duhet të jetë çmimi i daljes sonë nga “Mekanizmi për Bashkëpunim dhe Verifikim” në BE, ai duhet paguar, ka deklaruar Cacarovi. Ai ka kërkuar nga Presidenti që të respektojnë në mënyrë të rreptë Kushtetutën dhe konsultimet për zgjedhjen e Kryeprokurorit të ri të mos interpretohen si përpjekje për ndikim mbi procedurën e nominimit dhe zgjedhjes.