Presidenti i Bullgarisë Rumen Radev ishte i vetmi president nga BE-ja, i cili zhvilloi në Shkup një takim dypalësh me homologun e tij të ri Stevo Pendarovski. Radev bëri apel për përballimin e prapambetjes në punën e Komisionit të Përbashkët Multidisiplinar prej ekspertësh. Sipas Presidentit Radev Traktati dypalësh i Fqinjësisë së Mirë me Republikën e Maqedonisë së Veriut duhet të përfshihet në dokumentet e aderimit të saj në BE. Bullgaria pret që gjithçka që duhet të ndodhë sipas Traktatit, të përfshihet në manuale, libra, media, sepse një ditë do të konstatojmë se Maqedonia e Veriut që prej kohe është anëtare formale e BE-së, por kanë mbetur çështje të pazgjidhura, të cilat krijojnë probleme, vuri në dukje Kreu i Shtetit.