Militantë të armatosur në Jemen ndaluan shkabën Nelsen (Gyps fulvus), e cila mban unazë të vendosur në Bullgari. Organizatat evropiane për mbrojtjen e shpendëve bëjnë thirrje për lirimin e shpendit. Nelson është një nga pak shkabat në Bullgari. Është importuar nga Spanja dhe është liruar në Bullgari nga Fondi për Natyrën e Egër. Gjatë migrimit vjetor shpendi ka devijuar rrugën e fluturimit të trumës së vet, ka kaluar mbi Turqinë dhe mbi pjesën më të madhe të Gadishullit Arabik  dhe më në fund është kapur në Jemenin Jugor. Luftëtarët kanë menduar GPS-in e vendosur në këmbën e shkabës për një pajisje spiuni, kurse unazën e saj për një kamerë të vogël. Kanë supozuar se shpendi është dërguar nga organizata shiite “Husët”, e përkrahur nga Irani. Nga Fondi për Natyrën e Egër kanë kuptuar për këtë nga vetë luftëtarët që e kanë kapur shkabën, sepse ata kanë dërguar një mesazh SMS me tekst: “Shqiponjë e kapur në Jemen. Ndoshta është e juaj”. Mesazhi është dërguar në celularin e shkruar nga ambientalistët në unazën e shpendit. Po zhvillohen negociata për lirimin e tij.