Programi i ditës
Madhësia e tekstit
Radioja Kombëtare Bullgare © 2024 Të gjitha të drejtat janë të rezervuara

Ngjarjet me adresë ballkanike

Aleksis Tsipras: Greqia ka rol kryesor në Ballkan

Foto: BGNES

Greqia u bashkua me iniciativën “16+1” të vendeve nga Evropa Qendrore dhe Lindore plus Kina, duke u bërë anëtari i saj i 17. Në takimin e iniciativës në Dubrovnik Kryeministri Aleksis Tsipras deklaroi se me këtë akt Greqia e ka ripohuar rolin e saj të një qendre lidhëse të shteteve ballkanike dhe të një garanti të stabilitetit, sigurisë dhe bashkëpunimit në pjesën verilindore të Mesdheut, sidomos pas nënshkrimit të Marrëveshjes së Prespës me Republikën e Maqedonisë së Veriut. Ai shënoi se zgjidhja e debatit për emrin i ka hapur dyert për anëtarësinë e Athinës në “16 + 1”.


Përleshje në një demonstratë antiqeveritare në Tiranë

Foto: BGNES

Në kryeqytetin shqiptar, Tiranë, shpërthyen përleshje mes policisë dhe protestuesve, të cilët thërrisnin kundër qeverisë së Edi Ramës dhe bënë thirrje për zgjedhje të parakohshme parlamentare. Përkrahësit e opozitës nga tërë vendi kaluan në bulevardin kryesor të kryeqytetit shqiptar. Një pjesë prej tyre bëri provë për të hyrë në godinën e qeverisë, por u ndalua nga kordoni i policisë dhe gazi lotsjellës. Gjatë përleshjeve u plagosën disa policë.


Protestat në Serbi kundër Presidentit Vuçiç nuk ndalojnë

Foto: BGNES

Mijëra qytetarë nga mbarë Serbia protestuan për herë të radhës në qendër të Beogradit kundër Presidentit Aleksandër Vuçiç. Protestat, që vazhdojnë tashmë katër muaj për shkak të dhunës së ushtruar kundër gazetarëve dhe një lideri të opozitës, çuan në krijimin e lëvizjes “Një nga pesë milionë”, e cila i organizon protestuesit, pasi Vuçiç tha se madje demonstruesit të jenë 5 mln ai nuk do t’i marrë parasysh. Në fund të çdo një jave të punës mijëra serbë në dhjetëra qytete takohen me kërkesa të ndryshme – nga ndryshimet ekonomike dhe ndryshimi në politikën për Kosovën deri tek dorëheqja e Presidentit. Opozita nuk është unike në kërkesat e veta, ndërsa mediat kritike serbe paralajmërojnë se kohët e fundit iniciativën e ka ndërmarrë lideri i lëvizjes së të djathtës ekstreme “Dveri” Boshko Obradoviç.


Partia në pushtet në Turqi ngul këmbë për zgjedhje të reja në Stamboll

Ekrem Imamoglu / Foto: BGNES

Partia në pushtet e Presidentit turk Recep Erdoğan ngul këmbë për zgjedhje të reja në Stamboll pas zgjedhjeve vendase, që u zhvilluan më 31 mars, për shkak të disa çrregullimeve të konstatuara, të cilat sipas partisë kanë ndikuar mbi rezultate. Sipas numërimit të deritanishëm në Stamboll tani për tani përparësi ka Ekrem Imamoglu – kandidati i Partisë Popullore Republikane në opozitë. Pasi Partia e Drejtësisë dhe Zhvillimit humbi vendet për kryetarë bashkie në shumicën e qyteteve të mëdha të vendit, ndërsa dallimi mes Imamoglusë dhe ish-Kryeministrit Binali Yıldırım (kandidat i Partisë së Drejtësisë dhe Zhvillimit) në “betejën” për Stambollin ishte më pak se një për qind pushtetarët kërkuan edhe një numërim në disa rrethe.


Një foshnjë prej tre prindërish lindi në Greqi

Foto: BGNES

Një foshnjë me ADN-në e tre prindërve lindi në Greqi si rezultat i një teknike të diskutueshme Procedura e riprodhimit in-vitro u realizua nga një ekip greko-spanjoll. Ai e ka transferuar materialin gjenetik me kromozomet e nënës në vezën e një gruaje – donatore, ku është asgjësuar materiali i saj gjenetik. Pas kësaj është realizuar fekondimi in vitro me spermën e babait, ndërsa embrioni është vendosur në trupin e nënës. Deri tani grekja 32 vjeçe ka pasur disa prova të pasuksesshme in vitro.  

Përpiloi: Miglena Ivanova

Përgatiti në shqip: Vesella Mançeva

Më shumë nga rubrika

Studentët bullgarë me vendin e parë në konkursin më të madh ndërkombëtar të së drejtës private

Në konkurrencën e mbi 35 ekipeve nga e gjithë bota, ekipi i Universitetit të Sofjes “Shën Kliment Ohridski” fitoi vendin e parë në konkursin më të madh në të drejtën private ndërkombëtare – “Pax Moot Court”, i mbajtur në periudhën 24-26 prill 2024 në..

botuar më 24-05-08 5.32.MD

38% e bullgarëve e shohin si problem zhvillimin e inteligjencës artificiale

Zhvillimi i inteligjencës artificiale ndan qëndrimet mes bullgarëve, por duket se mbizotëron shqetësimi. Këtë e tregojnë rezultatet e një sondazhi të agjencisë së sondazheve Gallup International. 21% e të anketuarve thonë se inteligjenca..

botuar më 24-05-07 6.06.MD

Kushtet dhe arsyet për marrjen e shtetësisë bullgare

Nga 1 janari 2020 deri më 24 nëntor 2023 janë dorëzuar 75805 aplikime për marrjen e nënshtetësisë bullgare. Këto të dhëna i ka bërë të ditura në Kuvend në fund të vitit 2023 ministri i atëhershëm i drejtësisë Atanas Sllavov në përgjigje të një pyetjeje..

botuar më 24-05-07 7.15.PD