Kina shfaq interes ndaj ndërtimit të Centralit Atomik Elektrik “Belene”, tha kryeministri Bojko Borisov në Dubrovnik ku merr pjesë në një takim, nga formati “16+1”, të udhëheqësve shtetërorë dhe qeveritarë të vendeve të Evropës Qendrore dhe Lindore dhe të Kinës. Ai shprehu mendim, se  projekti është me leverdi politike dhe gjeostrategjike për Kinën, sepse për herë të parë Kina do të ndërtojë një central në BE. Lidhur me këtë kryeministri Borisov shtoi, se një mundësi të tillë mund të diskutohet dhe të shpallet gjatë një vizite të presidentit Si Xin Pin në Bullgari, vizitë kjo e cila pritet të realizohet deri në fund të këtij viti. Në kontekstin e bashkëpunimit bullgaro-kinez kryeministri tha, se tani eksporti i Bullgarisë për në Kinë është përafërsisht 800 milion dollarë në sfondin e importit nga 1.5 miliard dollarë nga Kina për në Bullgari.