Presidenti bullgar Rumen Radev, i cili është duke bërë një vizitë zyrtare në Liban tha në Bejrut, se Bullgaria mund të bëhet porta e Libanit drejt BE-së, ndërsa Libani të bëhet porta e Bullgarisë drejt Lindjes së Mesme. Nuk duhet t’iu shpresojmë vetëm tregtisë, por edhe investimeve reciproke dhe prodhime të përbashkëta, theksoi zoti Radev. Në Bullgari ka investime libaneze me efektivitet të vërtetuar. Krahas kësaj Bullgaria mund të ndihmojë realizimin e një sërë projektesh infrastrukturore libaneze, theksoi kreu i shtetit. U diskutua mundësia për hapjen e një linje direkte ajrore midis Sofjes dhe Bejrutit. Presidenti i Libanit Mishell Aun tha, se u diskutuan mundësitë për lehtësimin e fatit të refugjatëve sirianë dhe të shteteve të cilat i pranojnë.