Ansambli i flautit i Stambollit  “Istanbul Flute Ensemble” vjen sot 18 mars për vizitë në sallën e dhomës “Bëllgaria”. Koncerti është pjesë nga “Muzika e Evropës 2” – një seri aktivitetesh muzikore, që ka filluar në fillim të vitit 2019. Tanimë qenë prezantuar krijime të kompozitorëve nga Rusia, Norvegjia, Islanda, Maqedonia, Serbia, Kosova dhe Azerbajxhani. Siç bëhet e qartë nga titulli i projektit, ai është vazhdim i “Muzikës së Evropës 1” – një nga ngjarjet muzikore më të konsiderueshme të stinës së kaluar të koncerteve.

“Muzika e Evropës 1” – projekti, të cilin e realizuam që nga muaji janar deri në muajin qershor 2018, prezantoi muzikën e të gjitha vendeve-anëtare të Bashkimit Evropian – tregon profesoresha Borisllava Taneva, zëvendës rektore e Akademisë Kombëtare Muzikore “Panço Vlladigjerov”. Ai qe i lidhur me Presidencën Evropiane të Bullgarisë të Këshillit të Bashkimit Evropian dhe koncertet përkuan krejtësisht me këtë periudhë. Projekti qe i nderuar dhe i respektuar me “Dekoratën e Sofjes”. Për të dyja vargjet morëm ndihmën e fondit “Kulturë” të Ministrisë së Kulturës”. I gjithë projekti është në bazë të idesë të Najden Todorovit – dirigjent i përgjithshëm i Filarmonisë së Sofjes, e cila është organizatore, si dhe të Akademisë Kombëtare Muzikore. Që nga fillimi i vitit 2019 vazhdojmë me 18 shtetet, të cilat, për një ose tjetër shkak nuk janë anëtare të Bashkimit Evropian. Ftojmë interpretues nga vendet përkatëse, muzikantë nga Filarmonia e Sofjes ose studentë  nga Akademia Kombëtare Muzikore. Për mua që të gjitha koncertet janë interesante, por do të shënoja disa, të cilët janë jostandarde. Për shembull “Muzika e Azerbajxhanit” kaloi me një sukses të madh. Ekzekutoi kuarteti “Kredo”, i cili u prezantua shkëlqyeshëm me partiturat e veta moderne. I am shumë mirënjohëse kolegut tim Milen Panajotov – ai bëri lidhjen me kompozitorët nga vendi. Posaçërisht mbërriti kompozitori Ellmir Mirzoev, vepra e të cilit tingëlloi në interpretim të Lili Bogdanovës – piano. Tani do të ketë dhe një koncert jo standard – kështu do ta përcaktoja grupin e 13 flautistëve, në të cilin ka nga të gjitha llojet e mundshme të këtij instrumenti. Muzikantët do të interpretojnë vepra të kompozitorëve turq, të kompozuar posaçërisht për ta. Do të jetë një përjetim unikal. Do të doja që përmes Radio Bullgarisë të ftoj njerëzit të cilët kanë mundësi të vijnë në koncert dhe të dëgjojnë  këtë “festë të vërtetë me flaut”.

Në afishen e vargut të koncerteve janë përfshirë dhe koncerte, në të cilat do të prezantohen krijues nga Shqipëria, Ukraina, Bjellorusia, Moldavia, Gjeorgjia, Mali i Zi dhe Bosnja, qytete-shtete në Evropë e të tjera.

"Sipas meje shumë interesant do të jetë koncerti i Armen-Levon Manaseryan – një pianist i ri, me cilësi jashtëzakonisht të shumta, i cili do të  prezantojë vepra të kompozitorëve nga Armenia – thotë akoma profesoresha Taneva. Nuk mund të lë pa përmendur dhe koncertin “Muzika e Zvicrës”. Posaçërisht për të, shoqata bullgaro-zvicerane për kulturën, e bazuar në Gjenevë, porositi vepra të grave-kompozitore nga e gjithë Zvicra. Ato do të interpretohen nga doktorantja në Akademinë Kombëtare Muzikore Gjergana Nestorova."

Përgatiti në shqip: Nataniela Vasileva