Me rastin e përvjetorit të 120 të lindjes së piktorit Deçko Uzunov, Galeria e Arteve Figurative e qytetit Sofja prezanton një ekspozitë me autoportrete të tij. Ata janë vetëm katër – “Autoportret me shenjtorë” nga viti 1982 dhe “Portret familjar” (Autoportret me Ollgën) nga po ky vit, si dhe dy tablo pronë të Galerisë Kombëtare dhe Shtëpisë së Humorit dhe të Satirës në qytetin Gabrovo. Piktori Deçko Uzunov lindi në vitin 1899 në qytetin Kazanllëk. Veprat e tij gjithnjë kanë provokuar interesin e kritikëve, gazetarëve, kolegëve dhe adhuruesve të artit figurativ. Talenti i tij i madh shfaqej në të gjitha gjinitë e artit figurativ. Ndër veprat e tij ka shumë portrete, peizazhe, piktura natyraliste, ilustrime. Krahas kësaj përderisa ishte gjallë e kërkuan edhe si skenograf dhe skulptor. Në ekspozitën e tanishme prezantohen edhe skica dhe piktura pak të njohura të autorit të cilat ruhen në Galerinë e Arteve Figurative “Deçko Uzunov”. Veprat do të mbeten të ekspozuara deri në qershor të këtij viti.