“Bullgaria është në etapë të përparuar të përgatitjes për Brexitin. Kemi dy plane veprimi lidhur me tërheqjen e Britanisë së Madhe nga BE-ja”-“me marrëveshje” dhe “pa marrëveshje”. Këtë e deklaroi Kryeministri Bojko Borisov në një takim me Kryenegociatorin e BE-së mbi çështjet e Brexitit - Michel Barnier në kuadrin e Konferencës së Sigurisë në Munih. Sipas fjalëve të Borisovit Sofja këmbëngul për marrëveshjen për Brexitin, sepse ajo “garanton të drejtat e shtetasve dhe biznesit, buxhetin e BE-së, tërësinë e tregut unik dhe procesin paqësor në Irlandë”. “Për Bullgarinë në vend të parë janë të drejtat sociale dhe shëndetësore të qytetarëve”, nënvizoi Kryeministri. Ai shprehu përkrahje të plotë ndaj Kryenegociatorit të BE-së dhe e përshëndeti për punën e shkëlqyer të ekipit negociues.