E njohim këngëtaren e xhazit nga shfaqjet e saj të përbashkëta me pothuajse të gjithë xhaz-muzikantët prijës tek ne – pianistët Angjell Zaberski-biri dhe Vasill Parmakov, kitaristët Shibill Benev dhe Aleksandër Kumanov, Pepi Sllavov-biri, i cili i bie kontrabasit , Gjeorgji Donçev dhe Dimitër Shanov, saksofonisti Petër Momçev dhe shumë të tjerë. Marina, e cila ka përfunduar të kënduar pop dhe xhaz në Akademinë Kombëtare Muzikore “Panço Vlladigjerov”, sot po jep mësim në po këtë degë në Akademinë për Art Muzikor, të Vallëzimit dhe të Arteve të Bukura në qytetin e Plovdivit. Gjatë viteve të fundit këngëtarja merr pjesë në disa projekte të suksesshme. Mes tyre është “Xhazi këndon në gjuhën bullgare” në të cilin është bashkë me Antoni Donçevin – piano, Venci Bllagoev – bori dhe iniciator i projektit dhe poeteshën Maria Doneva. Me një vëmendje të veçantë sillet ndaj vargut “Vitet e arta të Xhazit”, ku këndon këngë të Ela Ficxherald, Luis Armstrong, Frank Sinatra, Toni Benet, Bili Holidej, Nat King Koll, Sara Von, Eta Xhejms, Rej Çarëllz... Fillimin e vë gjatë vitit 2016 me idenë të mund t’i përkushtojë nderim disa nga emrat më të mëdhenj në historinë e gjinisë, këngët e të cilëve nuk ndalojnë të na emocionojnë dhe sot.
“Ato kanë tingëlluar në kohën midis të dyja luftërave botërore, kur xhazi kthehet në diçka më shumë se muzikë – ai bëhet një fenomen social dhe formon botëkuptimin e disa brezave me radhë – thotë Marina. Kjo muzikë sjell optimizëm dhe një joshje të papërsëritur, krijon ndjenjën e luksit dhe finesit. “Vitet e arta të xhazit” u bë një projekt mjaft i njohur. Jam e lumtur, se ajo të cilën e shikoja në ëndrrat e mia më të guximshme, në mënyrë të papritur për mua, u realizua. Përpara ca kohe në mënyrë krejtësisht spontane vendosa të bëj një program, në të cilin të këndoj nga diçka të njohur nga çdo një këngëtar i xhazit. E di se ka njerëz, të cilët akoma nuk kanë qenë në koncert të xhazit. Në qoftë se duan të njihen me këtë muzikë, mendoj se “Vitet e arta...” do të jetë një start shumë i mirë për ta. Do të dëgjojnë këngë të njohura, të cilat janë emblemë për çdo një këngëtar, emri i të cilit është në program. Akoma në koncertin e parë pamë se njerëzit reagojnë në mënyrë shumë të përzemërt. Duket sa kanë pasur domosdoshmëri për një përjetim të tillë. Publiku, i cili vjen, është në moshë të ndryshme-shikoj shumë njerëz të rinj, shikoj dhe njerëz në moshë mesatare... Pavarësisht se zakonisht interpretojmë programin nëpër klube, publiku dëgjon me shumë vëmendje sikurse është në koncert, që është një befasi shumë e këndshme dhe për mua. Gjatë viteve e zhvilluam idenë, shtoja këngë, ftoja miq-solist të ndryshëm. Në koncertin e ardhshëm miku ynë është Mihaill Josifov i cili i bie borisë – një muzikant shumë interesant, i cili e pasuron programin me individualitetin e vet.”
Më 2 shkurt ditën e shtunë, Marina Gospodinova do të prezantojë “Vitet e arta të xhazit” në studion numër 5 në Pallatin Kombëtar të Kulturës. Do ta shoqërojnë Milen Kukosharov – piano, Dimitër Karamfillov – kontrabas, Atanas Popov – bateri.
Përgatiti në shqip: Nataniela Vasileva
Sot vera hyn në dhomat e klasës, bashkë me buzëqeshjen e fëmijëve... Dita e parë e shkollës është gjithmonë një shkak emocioni - si për më të vegjlit që shkelin pragun e shkollës për herë të parë, ashtu edhe për të rriturit që me mall kujtojnë ato..
Stacioni Qendror Hekurudhor në Plovdiv mirëpret grupet e njohura X-R@Y dhe Uikeda për një koncert falas më 14 shtator. Përveç tyre, publiku do të ketë mundësinë të shohë edhe dy ansamble folklorike - "Ravnec" dhe "Klementina". Ky është eventi i..
Në harmoni me motin jashtë, në fund të verës Severin Georgiev prezanton këngën e tij më të re "Do të bjerë shi". Kjo është kënga e dytë e Severinit, të cilin e njohim si pjesëmarrës në sezonin e fundit të “Zëri i Bullgarisë”. Kënga “Do të bjerë..
Një nga grupet më të njohura në vendin tonë me një nga vokalistet më interesante dhe magnetike – “Kerana dhe kozmonautët” - i shton një yjësi të re..
I riu Todor Gaxhallov merret me muzikë që në moshën 5 vjeçare, kur filloi të luante piano dhe të këndonte. Shkollimin e vazhdoi në shkollën e..