Kohët e fundit Instituti për studimin e popullsisë dhe të njeriut pranë Akademisë Bullgare të Shkencave shpalli një raport sipas të cilit deri në vitin 2040 bullgarët do të pakësohen me akoma 20-25%. E formuar në bazë të të dhënave të Institutit Kombëtar të Statistikës, Evrostatit, OKB-së dhe Bankës Botërore, prognoza ishte prezantuar për shqyrtim para qeverisë bullgare.

Agjencia “BGNES” ia kushton temën një artikulli të posaçëm, në të thuhet se kur më 2 prill 1962 lindi bullgari 8 milionësh, afro 24 orë fotografët nuk pushonin ta fotografonin atë bashkë me nënën e tij. Vitet 60 të shekullit të 20 janë kohë, kur në çdo 9 minuta në vend ka lindur nga 1 bebe...

Duke e krahasuar situatën e atëhershme me situatën e sotme, autori i materialit shënon se 56 vjet më vonë popullsia e Bullgarisë është shkrirë deri më rreth 7 milionë veta.Që nga fillimi i tranzicionit gjatë vitit 1989, vendi ka humbur pothuajse 2 milionë veta, pjesa më e madhe e të cilëve kanë emigruar jashtë shtetit dhe probabiliteti që ata të kthehen në atdhe është pothuaj zero.

Përveç se e kërkojnë lumturinë jashtë shtetit, bullgarët janë dhe mes rekordmenëve për nga mortaliteti – 14,5 veta në 1 mijë. Sipas të dhënave të CIA-s për vitin 2017. Bullgaria është në vendin e tretë për nga ky tregues, bashkë me shtetet baltike dhe ato afrikane. Pritjet janë se pjesa e njerëzve të rinj deri në moshën 20 vjeçare do të ruhet, kurse e atyre në moshën më të pjekur mbi 65 vjeç do të rritet në mënyrë të konsiderueshme. Kjo përcakton dhe pakësimin e numrit të pjesës së popullsisë në moshë aktive. Ulja e numrit të popullsisë në bazë të parimit territorial përfshin pothuajse të gjitha krahinat bullgare, pa kryeqytetin dhe mbase ky proces do të jetë i gjatë.

Bullgaria nuk bën një përjashtim në Evropë, ku pothuajse në gjysmën e vendeve nga Bashkimi Evropian pritet një pakësim të popullsisë. Kjo do të bëhet në pothuajse akoma 11 shtete të tjera – Letoni, Lituani, Rumani, Greqi, Kroaci, Portugali, Poloni, Hungari, Estoni, Itali dhe Sllovaki.

Popullsia e vendeve fqinje (Serbia dhe Greqia) do të pakësohet me ritme të ngjashme. Pritet që deri në vitin 2041, popullsia në serbi do të ulet 23% dhedo të bëhet 5,5 milionë veta. Fuqia punëtore në vend do të plaket mjaft dhe do të ngushtohet me 21%, paralajmërojnë nga UNICEF-i. Edhe Serbia është para një tendence tepër negative demografike dhe mungesës së krahut të punës.

Në Greqi situata është e njëjtë. Ajo është një nga shtetet në Bashkimin Evropian, ku plakja e popullsisë është shumë e madhe 21% prej grekëve janë në moshë mbi 65 vjeç. Deri në vitin 2030 popullsia e këtij shteti ballkanik do të pakësohet deri më 9,9 milionë veta, kurse deri në vitin 2050 - deri në 8,9 milionë, duke pasur parasysh se sot ajo është 10,6 milionë veta.

Përgatiti në shqip: Nataniela Vasileva