Më 4 prill në Sofje, këngëtarja e xhazit Mirosllava Kacarova do të prezantojë projektin e saj më të ri muzikor me titull “April in Paris”. Në të ajo përsëri është në skenë me trion e saj – Mirosllav Turijski (piano), Hristo Jocov (bateri) dhe Veselin Veselinov-Eko (kontrabas).

“Programi është në frëngjisht, por kompozicioni i vetëm, i cili do të tingëllojë në gjuhën angleze është kënga klasike e xhazit – tregon këngëtarja. Ajo i jep dhe titullin e koncertit. “April in Paris” është një këngë e vjetër, nga viti 1932. Në të i këndohet bukurisë së kryeqytetit francez gjatë kësaj periudhe kaq të bukur të  vitit. Përveç kësaj në të këndohet , se “April in Paris” është një gjendje e shpirtit – një ndjenjë, të cilën njeriu nuk mund ta krahasojë me asgjë tjetër. Që këtu vjen dhe dëshira ime, e pikërisht – të bëjmë së bashku një udhëtim muzikor në kohë dhe në hapësirë drejt një gjendjeje të veçantë të shpirtit, që përmbahet në muzikën franceze. Që të gjitha këngët e tjera janë në gjuhën franceze  dhe janë emblematike  për epokën e shansonit. Në program kam përfshirë dhe kompozicione të reja. Kur u bashkuam me Mirosllav Turijskin, i cili është dhe autor i aranzhimeve, i vumë një qëllim vetes ta ruajmë autenticitetin e muzikës franceze dhe njëkohësisht të tregojmë dhe stilin tonë personal.”

Projekti “April in Paris” përmban 14 këngë. Adhuruesit e muzikës së xhazit dhe të shnosnit francez, do të dëgjojnë 2 nga këngët më të dashura të damës së parë të muzikës franceze Edith Piaf – “Non, je ne ne regrette dе rien“ dhe „La vie en rose“. „Et la Mer“ të Michel Legrand po kështu është një këngë e shkëlqyer franceze, e cila ka gjetur vendin e vet në program. Mbase nuk ka njeri, i cili të mos të ketë dëgjuar një nga këngët klasike franceze nga vitet 60 – „Les Champs-Elysees“ të Joe Dassin. Titujt e tjerë jo më pak të rëndësishëm në program janë „Ne me quitte pas“ të Jacques Brel dhe „Que reste-t-il de nos amours“ të Charles Trenet. Në frëngjisht do të tingëllojë dhe „Les eaux de Mars“ (Waters of March).

“Mes këngëve relativisht më të reja, të cilat i kam zgjedhur është „Voyage Voyage“ të Dezirles, e cila është nga vitet 80. Kjo është këngë, e cila shumë fort ilustron “new wave”-in e atëhershëm në Francë. Por unë, mezi tani e vlerësova, mezi tani ajo më preku. E kemi përgatitur në  një mënyre të re. Kemi përfshirë jo vetëm kompozitorë dhe këngëtarë francez, por dhe krijues të cilët zotërojnë gjuhën franceze si Jacques Brel dhe Claude Nougaro. Asgjë e re në muzikë nuk mund të zbulohet tanimë. E mira është se mund të bëhet një sintezë e bukur midis dy temave tashmë të njohura.”

Të gjitha tekstet e këngëve nga koncerti “April in Paris” janë përfshirë në një libër të vogël, në të cilin Mirosllava Kacarova ka përshkruar dhe  qëndrimin dhe lidhjen e saj me kulturën franceze, gjuhën dhe mënyrën e jetesës në këtë vend evropian. Në librin e këtij projekti, të cilin do ta marrin që të gjithë të pranishmit në koncertet, janë përfshirë dhe fotografitë e këngëtares të bërë nga fotografi Pavel Chervenkov. Pas prezantimit të projektit francez “April in Paris” në kryeqytet dhe në qytetin e Plovdivit, Mirosllava Kacarova, bashkë me trion e saj të muzikës xhaz do të realizojë një turne verore qytetet e ndryshme të vendit.

Përgatiti në shqip: Nataniela Vasileva