Banda e muzikës rok B.T.R. me muzikantë Atanas Penev – vokal, Sllavço Nikollov – kitarë, Ivan Kallfov –kitarë bas, Ilijan Dikov – bateri, do të prezantojë diskun e tyre të ri më 29 mars në Pallatin Kombëtar të Kulturës në Sofje, në sallën më të madhe Nr. 1.
Ky është albumi i tyre i dymbëdhjetë me radhë për 15 vjet veprimtari, plot me koncerte të shumta tek ne dhe jashtë shtetit.
U bë kështu që në fillimin e punës mbi këtë album, muzika jonë filloi të tingëllonte në mënyrë më “hard”. Kjo tendencë duket më qartë në singlin e parë “Fuqia ime” – tregoi Atanas Penev. – Ka çaste, në të cilat tingëllimi është “hard rok”, por ka edhe të tilla, ku është “heavy metal”. Në album kemi dy balade dhe të gjitha këngët janë 10. Titulli i albumit është titulli i këngës së dytë të përfshirë në të. Po mendojmë për këtë se cilën ta renditim në vend të tretë, por kjo do të jetë surprizë për adhuruesit tanë. Si zakonisht autori i muzikës dhe teksteve është kitaristi ynë Sllavço Nikollov. Me vetëm një përjashtim – kënga “Bilanca” është shkruar nga Aleksandër Petrov. Zakonisht ne të gjithët marrim pjesë në orkestrimin e këngëve.
Singli i parë “Fuqia ime” nga albumi “Muret e padukshme” tashmë është në krye të klasifikimeve muzikore. Spoti i tij është me një histori emocionuese, që i ngjan historisë së një filmi aksion-triller. Regjisori i videos është Asen Bllateçki, i cili është një aktor i njohur bullgar.
Është fakt se në fillim nuk dinim se kush të zgjidhnim për të bërë spotin e kësaj kënge. – tregoi Atanas Penev. – Ilijan propozoi të lidhemi me Asen Bllateçki, por këtë herë e ftuam atë si regjisor. Më parë ai ka marrë pjesë në një nga video spotet tona të vjetra, por si aktor. Aseni e pranoi propozimin menjëherë dhe e pëlqeu idenë për historinë e videos. Puna mbi të vazhdonte pothuaj 24 orë në ditë. Dhe u bë kështu, siç dëshironim.
Pas koncertit më 29 maj në Pallatin Kombëtar të Kulturës muzikantët e muzikës rok do të shpallin datat e sakta dhe qytetet, në të cilat do të prezantojnë “Muret e padikshme”. Tani për tani janë zgjedhur qytetet Plovdiv, Varna dhe Burgas dhe adhuruesit e tyre atje do të mund t’i shohin dhe t’i dëgjojnë së shpejti.
Për koncertin tonë në Pallatin Kombëtar të Kulturës tashmë kemi ftuar disa muzikantë – tha Ilijan. Ata janë pianisti Jasen Vellçev nga grupi “Te”, i cili kontribuoi shumë për tingëllimin specifik të këtij albumi, Anton Georgiev nga grupi “Ahat” (keyboard) dhe kitaristin Dobromir Polikov, i cili shumë vite me radhë ekzekuton me ne. Koncerti do të ketë dhe pjesë akustike, në të cilën do të prezantojmë disa nga këngët tona më të vjetra me aranzhime të reja
Përgatiti në shqip: Jordanka Ivanova
Kristian Kostov, edhe pse i ri, tashmë është një interpretues dhe autor i njohur. Ai la një përshtypje të fortë gjatë sezonit të katërt të X Factor në vendin tonë, duke arritur në finalen e madhe dhe duke fituar një audiencë të madhe. Më pas ai u shfaq..
Danny Levan është një interpretues i ri me origjinë bullgaro-greke. Pas suksesit të këngës së tij në duetin me Hristiana Loizu, të quajtur në bullgarisht " Më fsheh sytë" vitin e kaluar, Danny është gati me një këngë të re të titulluar "Më e..
Kori i Fëmijëve i Radios Kombëtare Bullgare feston 65 vjetorin e tij me një koncert në ditën e themelimit të tij - 21 mars. Që atëherë, këngëtarët e rinj kanë përhapur lavdinë e mjeshtërisë korale bullgare në mbarë botën dhe jo rastësisht quhen..
Pak pasi grupi Jazzboree u dallua për debutimin në ceremoninë vjetore të renditjes TOP 20 të Radios Kombëtare Bullgare (BNR), këngëtarja е..
Kompozitori i këngëve për fëmijë Dono Cvetkov prezanton albumin e tij të ri "Ku jetojnë mrekullitë?" me një koncert të madh më 15 prill në Klubin..