Programi i ditës
Madhësia e tekstit
Radioja Kombëtare Bullgare © 2025 Të gjitha të drejtat janë të rezervuara

Hristo Todev: “Mali është një magji”

БНР Новини

Për Hristo Todevin mali është para se gjithash liri. Ai është një rikthim te rrënjët dhe një shans të zbulojë diçka të humbur. Krahas kësaj është edhe një zbulim. Për nga profesioni është analizues ekonomik. Para afro 20 vitesh filloi të merret me alpinizëm. Që atëherë e deri më sot kohën e lirë i kushton malit. Bukuritë, të cilat i zbulon gjatë udhëtimeve të shumta i përjetëson në fotografi.

Снимка

Objektivi i tij kap kuadro magjepse ose romantike të cilat rikrijojnë malin herë të mbuluar me dëborë ose me akull, herë me ngjyrat laramane të vjeshtës, ose plotë gjelbërim. Mali në fotografitë e Hristo Todevit tërheq me këndet e egra, ku rrallë shkelet këmba njerëzore.

Снимка

Është i bindur, se rajone të tilla ka edhe në malet me popullaritet si Rilla. Mirëpo, mali, i cili e josh më shumë Hristo Todevin është Rodopa. Para kohe bashkë me udhëtarin fotograf Nikollaj Genov realizuan fotoalbumin “Rodopa. Mali i shenjtë”. Në disa rajone lindore të malit Rodopa njeriu mund të bredhë kilometra të tëra pa takuar ndonjërin.

Снимка

Ka një rajon në Rodopet Lindore, ku gjithnjë kthehem. Ky është rajoni Sarë kaja – një shkëmb 50 metrash me shpellë në formën e pëllëmbës njerëzore. Përreth ka disa mëhalla ku banojnë vetëm dy veta – xha Shaban nga Mumxhidam dhe Gyllbijaz nga Murga. Aty rrallë herë vijë ndonjëri. Ky është rajoni midis fshatrave Bezvodno dhe Tri Mogili, dhe liqenit artificial Borovica. Shtigjet pothuajse nuk shihen. Është një aventurë të vërtetë, që njeriu të frekuentojë këtë rajon”, tregon Hristo.

Снимка

Para 14 vitesh Hristo Todevi filloi të klasifikoj dhe të rikrijoj në letër vrimat në formën e trapezit të gërryera në shkëmbinjtë. Ato hasen shpesh në Rodopet Lindore.

Снимка

СнимкаKudo që të shkoj, gjithnjë bëj fotografi, kështu që të numëroj vrimat e gërryera në shkëmb për të kërkuar ndonjë logjikë. Kjo për arsye të arrijmë të zbulojmë sekretin e këtyre shenjtëroreve misterioze. Shkëmbejmë informacion për arritjet tona me miq të cilët gjithashtu interesohen. Dekadat e fundit shumë njerëz filluan të shfaqin interes jo vetëm ndaj misterit të komplekseve të gërryera në shkëmbinjtë, por edhe ndaj të gjitha vendeve të shenjta në mbarë Bullgarinë.”

Fotografitë që bëjnë alpinistët gjithnjë dallohen nga fotografitë e tjera të maleve, sado të bukura të jenë ato. Lidhur me këtë Hristo Todevi shpjegon, se “për disa prej fotografive kërkohej një dozë rreziku që të zgjidhet vendi më i përshtatshëm nga ku të fotografohet”.

Përsa iu përket ëndrrave të alpinistit Hristo Todev, ato lidhen me Pakistanin – luginat dhe gjilpërat Trango, akullnajorin Balltoro. Nga ndonjëherë me miq ngjitin Dolomitët në Italinë e Veriut dhe Alpet Shqiptare – një nga malet e fundit të egra me maje të pjerrëta në Evropë.

Снимка

Përgatiti në shqip: Svetllana Dimitrova



Последвайте ни и в Google News Showcase, за да научите най-важното от деня!

Më shumë nga rubrika

“Muzeu i feve” në Stara Zagora u nderua me një çmim ndërkombëtar

Në ekspozitën më të madhe turistike për klientët fundorë në Evropë - CMT Stuttgart, Kompleksi Arkitektonik "Muzeu i Feve" në qytetin Stara Zagora fitoi një nga tri çmimet kryesore në Konkursin Ndërkombëtar CT AWARD, njoftoi BTA. Çmimi është në..

botuar më 25-01-23 9.41.PD

Si Chef Sharankov zgjodhi Rodopet në vend të Londrës dhe krijoi një koncept të ndryshëm të ushqimit dhe patriotizmit

Nga kuzhinat e zhurmshme të restoranteve londineze me yje të Michelin-it deri te një fshat i fshehur në pyjet e maleve Rodope, zhvillimi profesional i Petko Sharankovit është plot kthesa dhe surpriza. Pasi jetoi për shumë vite në Londër, ku zotëroi..

botuar më 25-01-19 8.30.PD
Foto: Muzeu Historik Rajonal - Ruse

Kishat shkëmbore dhe akuariumi më i madh i ujërave të ëmbla – Muzeu i Ruses tërheq gjithnjë e më shumë vizitorë

Ka një interes në rritje për ekspozitat dhe ngjarjet e Muzeut Historik Rajonal në Ruse. Gjatë 12 muajve të fundit, 95 966 persona kanë kaluar nëpër hapësirat muzeale, që është 5209 persona më shumë se në vitin 2023 – raporton institucioni në faqen e tij..

botuar më 25-01-19 7.10.PD