Takimi me djemtë nga formacioni i ri funk Funky Miracle u mbajt me anë të telefonit. Shkaku për këtë janë koncertet e tyre në Suedi dhe Holandë me rastin e festave të Krishtlindjeve dhe Vitit të Ri. Muzikantët u nisën për në Skandinavi pak pas promovimit të albumit të tyre debut “Fly”. Aktiviteti u mbajt më 21 nëntor në kryeqytet. Pas kësaj ata e promovuan projektin e tyre edhe në Plovdiv.

Kështu qe të gjithë adhuruesve të muzikës funk djemtë e Funky Miracle u dhuruan dhjetë këngë autori, të interpretuara në një mënyrë profesionale. Sipas disa mendimeve ata janë trashëgimtarë të “Akaga” – një grup i stilit funk me një histori muzikore më se 20 vjeçe. Bateristi në Funky Miracle – Rado, është bir i Ivo Kazasovit, trumbetar në grupin “Akaga”. Trashëgimia mes brezave, kurse në rastin konkret – në muzikën funk, jep shpresa të mëdha për zhvillimin e stilit te ne.

Producentët e albumit debut të Funky Miracle – “Fly” janë Smilel's MUSIC dhe Perfect Records, kurse producenti muzikor është Borisllav Bojaxhiev. Ja se çfarë tha Vlladi Miçev – trombonisti në formacion:

“Unë dhe miqtë e mi jemi shumë të lumtur për albumin, se ai tashmë është fakt. Sigurisht që tërë kjo eufori që ndodh rreth tij është shumë e këndshme. Ne jemi të inspiruar nga fluturimi (“FLY”) dhe muzika e tij na krijon emocione të këndshme, nëpërmjet të cilave fluturojmë. Deshëm që në këtë mënyrë të ndihen edhe dëgjuesit tanë.”

Përgatiti në shqip: Vesella Mançeva