Presidenti i Parlamentit Evropian Antonio Tajani zhvilloi një debat me nxënës dhe studentë në Universitetin e Sofjes “Shën Klementi i Ohrit”. Takimi ishte pjesë e vizitës së punës të Konferencës së Presidentëve të Parlamentit Evropian në kryeqytet me rastin e presidencës së ardhshme bullgare të Këshillit Evropian të BE-së gjatë gjysmës së parë të vitit 2018. Debatet prekën tema shumë të rëndësishme për njerëzit e rinj, si arsimi, jeta kulturore, qëndrimi ndaj njerëzve me çrregullime, kërkimi dhe gjetja e profesionit të dëshiruar. Antonio Tajani i përshëndeti të rinjtë me fjalët sa vijon:
“Të gjithë në Parlamentin Evropian punojmë për njerëzit. Aktualisht gjëja më e rëndësishme për ne është shkurtimi i distancës mes institucioneve evropiane dhe njerëzve. Që të ndodhë kjo më lehtë duhet ta ndryshojmë mënyrën e komunikimit njëri me tjetrin. Të rinjtë nuk interesohen për komunikimin tonë, sepse aktualisht ai është shumë burokratik. Mesazhet duhet të jenë të qarta dhe të përfshijnë edhe mediat sociale. Zëri i të rinjve është shumë i rëndësishëm. Ne jemi këtu, që të realizojmë një kontakt direkt me ju.”
Të rinjtë bullgarë shfaqën një interes shumë të madh për takimin, i cili ishte me temë: “Zëri i të rinjve: Çfarë duhet të jetë Evropa?” Të gjithë ishin aktivë, ishin në dijeni të veprimtarisë së Parlamentit Evropian dhe të gatshëm për të bërë pyetje të rëndësishme për zhvillimin e tyre të tanishëm dhe të ardhshëm si shtetas evropianë. Çfarë duhet të jetë Evropa sipas të rinjve, çfarë do të ndryshonit ata në atdheun e tyre, cilat janë gëzimet dhe shqetësimet e tyre?
“Do të shtroja në rendin e ditës të Parlamentit çështje kryesore politike, të cilat janë lidhur me sigurinë dhe migracionin. Sipas meje këto janë problemet kryesore tani në Evropë” – thotë Petër.
“Gjëja e parë që do të bëja për Bullgarinë dhe arsimin bullgar është që ta lartësojë në nivelin evropian” – është kategorike Zhana.
“Do ta heq iluzionin se gjithçka është në rregull në shtete dhe se ka punë. Ky është një ballon artificial, prapa të cilit fshihen pushtetarët, që të mund të ekzistojë Bashkimi Evropian” – thotë Ivan.
Ja akoma mendime:
“Duhet të punohet më seriozisht mbi zhvillimin regjional.”
“Në qoftë se isha President i Parlamentit Evropian do ta ndihmoja Bullgarinë për të hyrë në Shengen."
“Do të inicioja përhapjen e vlerave evropiane ndër qytetarët."
“Do të punoja për një pushtet më të madh të Parlamentit Evropian. Desha që Evropa të bëhet diçka si “Shtetet Evropiane”.
“Desha që të rinjtë të marrin më shumë mundësi për punë dhe pensionet e njerëzve të plakur të jenë më të larta.”
Si një problem i madh për Bullgarinë ishte shënuar papunësia e lartë ndër të rinjtë dhe mungesa e motivacionit. Kryetari i Parlamentit Evropian Antonio Tajani komentoi:
“Që të pakësohet papunësia ndër të rinjtë ka nevojë për forcimin e industrisë. Duhet t’i jepet mundësi për zhvillim biznesit të vogël dhe atij të mesëm. Sektori i turizmit është shumë tërheqës dhe i rëndësishëm për të rinjtë, prandaj duhet të forcojmë punën tonë në këtë fushë. Programet si “Erazëm +” gjithashtu janë të dobishme dhe duhet të zgjerohen.”
Ja se çfarë thanë për këtë temë edhe të rinjtë:
“Problemi nuk është vetëm se nuk bëhen përpjekje, por se të rinjtë kanë pritje jorealiste për atë që do t’u ofrohet, pasi gjenden në tregun e punës” – është i mendimit Kallojan.
Sipas Minës “nuk ka lidhje të fuqishme të vendosur mes biznesit dhe universiteteve”.
“Ka qytete shumë të vogla, për shembull qyteti im i lindjes Vraca, ku nuk ka shumë mundësi për të rinjtë. Në këto regjione është vështirë të vendosësh me se të merresh dhe si të gjesh punë” – thotë Stefan.
Ja akoma mendime të studentëve bullgarë:
“Në Sofje ka shumë vende pune. Çështja është të jesh këmbëngulës, të kërkosh dhe të punosh.”
“Mendoj se po bëhen përpjekje për pakësimin e papunësisë në BE, por pa dyshim lë për të dëshiruar."
“Mendoj se do të gjej punë medoemos, sepse në Sofje ka punë të mjaftueshme. Çështja është se shansi që ajo t’i përgjigjet specialitetit tim është minimal.”
Shumica e të rinjve janë të mendimit se aktualisht terrorizmi është problemi më serioz në Evropë dhe menjëherë pas tij radhitet migracioni i refugjatëve drejt shteteve evropiane.
Përgatiti në shqip: Vesella Mançeva
Sot është ditë zgjedhjesh në Bullgari - votojmë për 17 deputetë bullgarë në Parlamentin Evropian prej 720 anëtarësh dhe për 240 deputetë për Asamblenë e 50-të Kombëtare të vendit tonë. Në garën zgjedhore marrin pjesë 32 formacione politike - 20..
Një grup majmunësh jashtëzakonisht të bukur dhe ekzotikë - majmunët kolobus – janë sjellë në kopshtin zoologjik të Sofjes. Kolobusi tani mund të shihet në ndërtesën e dytë të majmunëve dhe për ta janë përgatitur disa nga rrethimet më të bukura të mëdha..
8 qershori në Bullgari është një ditë reflektimi para zgjedhjeve për parlamentin kombëtar dhe atë evropian. Këtë ditë zgjedhësi duhet të lihet vetëm me ndërgjegjen e tij për të marrë vendimin më të arsyeshëm për të, se për kë do të japë votën e tij...
Bullgarët janë minoriteti i tretë më i madh në Shqipëri - sipas të dhënave të fundit të regjistrimit të popullsisë në këtë vend ballkanik. Këto janë të..
Hungaria mori presidencën në një moment kyç për Bashkimin Evropian, por edhe mes frikës se vendi do të bllokonte ose vononte çështje..
"Veshjet dhe armatimet bullgare të Mesjetës së Vonë" - kështu titullohet ekspozita e re e përhershme në Kalanë "Baba Vida" në qytetin e Bullgarisë..