Programi i ditës
Madhësia e tekstit
Radioja Kombëtare Bullgare © 2025 Të gjitha të drejtat janë të rezervuara

“Playtime” – albumi i ri i muzikantit Jordan Vlladev

Foto: arkiv personal

Jordan Vlladev është një multi-instrumentist dhe prezantohet aq mirë si interpretues, ashtu edhe si tregimtar i përrallave muzikore. Një dëshmi për këtë është albumi i tij i radhës, titulluar “Playtime”. Në të ai përfshiu tetë pjesa.

Për albumin më të ri autori Jordan Vlladev tregon: “Albumi përmban pjesa, të cilat personalisht unë për nga stili i caktoi si xhaz. Mirëpo, në to dëgjohen edhe elemente fënk dhe dominojnë ritmet me zgjatje të pabarabarta. Kompozimet fund e krye janë prej autori. E incizova bashkë me disa miq të mi. Unë i bie disa prej veglave muzikore – pianos, kitarës, basit. Bashkë me mua merr pjesë edhe bashkëshortja Tanja Nikleva – Vlladeva. Ajo është dirigjente korale, por në album luan në flaut. Një muzikantë tjetër i mirë me të cilin jemi partnerë, është pianisti Kalin Zheçev. Andrej Vellkov është në perkusionet. Për prezantimin e albumit para publikut ftova basistin italian Daniele Febbo, i cili është student në Akademinë Kombëtare Muzikore “Panço Vlladigerov”. Për pjesën e fundit ftova Nikollaj Nikollov, i cili gjithashtu i bie kitarës bas. Albumi është fryt i punës sime trevjeçare. Kështu arrita të realizoj një ëndërr time të vjetër – të incizoj një album instrumental pikërisht me ato vepra. Më shpesh kompozoj muzikë teatrore, të filmave dhe të fëmijëve dhe prandaj mezi tani arrita të realizoj albumin “Playtime”. Premiera e tij zyrtare ishte në fund të vitit të kaluar, por tani kemi ftesa të ekzekutojmë pjesët në festivale të ndryshme.

Ky është albumi i dhjetë i muzikantit Jordan Vlladev. Mirëpo, është i bindur, se numri i albumeve të incizuara nuk është me aq rëndësi se sa mesazhi, të cilin e përmban muzika. Në cilat gjini muzikore janë albumet e mëparshme, rrëfen vet autori Jordan Vlladev:

I pari ishte me muzikë fëmijësh prej autori. Të dytin e realizova në bashkëpunim me fëmijët e punishtes artistike të fëmijëve “Hlapeta”. Ideja ishte që ata të përfshihen me ide të tyre për melodi dhe tekste. Kështu që ai është një projekt i përbashkët. Disa këngë prej këtij albumi u përfshin edhe në librat shkollorë të muzikës. Pas kësaj radhiten projektet me muzikë filmash dhe shfaqjesh. Ndër ta janë “Mysafirja e verdhë” dhe “Serdirikon”. Në thelbin e të dytit janë legjendat e lashta nga koha e Serdikës së moçme. Ai u prezantua në mes të rrënojave pranë Rotondës në qendrën e Sofjes.

Përveç si instrumentist, aranzhor dhe kompozitor, Jordan Vlladev është edhe pedagog. Bashkë me gruan krijuan qendrën muzikore “Art Libitum”. Lidhur me këtë bashkëbiseduesi rrëfen:

Kjo ishte një ëndërr tjetër të mi, të cilën arritëm të realizojmë para 7 vitesh. Deshëm, që më shumë njerëz të realizojnë ëndrrat e tyre, duke zbuluar artin muzikor në format e tij të llojllojshme. Si çdo fillimi, edhe ky ishte mjaftë i vështirë, por në fund të fundit arritëm të bëjmë atë që deshëm. Ndër ata që dëshirojnë të merren me muzikë nuk ka vetëm fëmijë. Me kolegë japim mësime të pianos, kitarës, flautit, perkusioneve, këndimit. Tek ne mësohen disiplina edhe si regji i zërit, drejtim, orkestrim, aranzhim, punim me sintetizues e kështu me radhë. Ato specialitete kërkohen nga njerëz, të cilët dëshirojnë të mësojnë një degë të veçantë të një shkence.

Përgatiti në shqip: Svetllana Dimitrova



Последвайте ни и в Google News Showcase, за да научите най-важното от деня!

Më shumë nga rubrika

"Fshehtas" nga Dani Ilieva u ndikua nga freskia e muzikës K-pop

E lindur në një familje muzikantësh, Dani Ilieva këndon për më shumë se dhjetë vjet. Ajo mori pjesë në disa formate muzikore, por arritja e saj më e madhe është çmimi nga Konkursi Kombëtar për Këngë Zbavitëse "Burgasi dhe Deti" .  Tani..

botuar më 25-04-16 1.30.MD

Albumi "Ku jetojnë mrekullitë?" – një mesazh për fëmijët bullgarë në mbarë botën

Kompozitori i këngëve për fëmijë Dono Cvetkov prezanton albumin e tij të ri "Ku jetojnë mrekullitë?" me një koncert të madh më 15 prill në Klubin Qendror Ushtarak në Sofje. Ky projekt i ri muzikor nga autori i hitit të padiskutueshëm për fëmijë..

botuar më 25-04-15 2.50.MD

"I dashuri im" – një aventurë pop nga këngëtarja Savina

Pak pasi grupi Jazzboree u dallua për debutimin në ceremoninë vjetore të renditjes TOP 20 të Radios Kombëtare Bullgare (BNR), këngëtarja е formacionit - Savina - prezantoi këngën e saj të re solo "I dashuri im".  Ajo u shfaq në momentin kur..

botuar më 25-04-14 2.45.MD