Nuk ishte ndonjë befasi e madhekur në fillim të javës së kaluar Bullgaria emitoi një borxh të ri prej afro 2 mlrd eurosh. Për taksapaguesit e zakonshëm ky është thjesht lajm. Ekspertët sikur nuk mbetën të befasuar, sepse Ministri i Financave Vlladisllav Goranov me urtësi e urdhëroi aksionin katër ditë pasi Banka Qendrore Evropiane uli normën e interesit kryesor të refinancimit deri në 0% dhe shpalli një paketë të re të masave stimuluese. Kështu u arrit një fitim i mirë për letrat me vlerë. Totali i borxhit të ri arrin në 1.994 mlrd euro dhe ky është transaksioni më i madh në euro në rajonin e Evropës Qendrore dhe Lindore, në LM dhe Afrikë deri tani brenda këtij viti – theksojnë nga Ministria e Financave, pa saktësuar a është ky hap i mirë ose i keq.

Me siguri për investitorët është mirë, sepse kërkesat kanë qenë për 3,6 mlrd euro, jo për 2 miliardë të shpallur paraprakisht, që ka çuar në uljen e interesit. Kjo nga ana e tij është mirë për borxhliun d.m.th. për shtetin bullgar dhe taksapaguesit e tij. Me këtë operacion të ri në fakt Ministria e Financave e mbaroi limitin e lejuar nga ligji për borxh në tregjet e jashtme për këtë vit. Tani ka edhe një moment tjetër siç shpjegoi Ministri Goranov – përveç në tregjet ndërkombëtare Ministria e Financave ka parashikuar të marrë borxh në rreth 500 mln euro nga bankat bullgare. Kështu mund të krijohet një fond rezervë i cili të përdoret eventualisht në mbështetje të sektorit financiar i cili aktualisht u është nënshtruar stres testeve.

Siç është shënuar në librat, borxhi nuk është gjithmonë diçka e keqe dhe fatale. Kjo është kështu, kur ai nuk do të përdoret  për “mbushjen e gropave” në buxhet apo në sektorë të pa reformuar. Borxhi është një gjë e mirë, kur sjell vlerë të shtuar. Atëherë borxhi shlyhet me mjete të veta dhe jo me borxhe të reja. Kjo ndodhet kur paratë investohen në ekonominë dhe në rritjen e saj. Por, tek ne rasti nuk është i tillë. Na qetësojnë si taksapagues, se kundrejt Produktit të Brendshëm Bruto borxhi bullgar është i ulët. Sivjet ai do të rritet nga 10 në 33 % prej PBB, niveli i lejuar sipas kritereve të BE është 60%.

Por, sipas prognozave të fundit të Drejtorisë së përgjithshme të çështjeve ekonomike dhe financiare pranë Komisionit Evropian, në qoftë se Bullgaria vazhdon me po këtë politikë të deficiteve dhe shlyerjen e tyre me borxhe, ai gjatë 10 vjetëve të ardhshëm do të tejkalojë 40% prej PBB. Ky kërcenim quhet spirali i borxhit. Le të shpresojmë, se ngadalë borxhi bullgar nga barrë do të kthehet në vlerë të shtuar. Për të arritur këtë janë të nevojshme strategji dhe politika të reja.

Përgatiti në shqip: Sofia Popova