Pas konsultimeve të radhës politike me forcat parlamentare, presidenti Rosen Plevneliev tha në parlament, se “dialogu në Legjislaturën e 43-të të Kuvendit Popullor është më konstruktiv, se sa në Legjislaturën e 42-të”. Sipas tij kjo është një shenje për stabilitet politik, gjë që nga ana e vet është një premisë për zhvillimin e reformave dhe për përmirësimin e mjedisit ekonomik. Me prioritet duhet të realizohen reformat në sistemin gjyqësor, në administratë, në qeverisjen elektronike, në shëndetësi, në arsim, në pensionim dhe në sektorin ujor, mendon kreu i shtetit. Pas konsultimeve politike presidenti shprehu binden, se pasi Bullgaria arriti qëllimet politike, pra anëtarësim në BE-në dhe në NATO-në, tashmë janë të domosdoshme qëllime të reja si për shembull krijimi i një ekonomie sociale, zhdukja e varfërisë, anëtarësim me të drejta të plota në Shengen, hyrja në eurozonë. Sipas presidentit një sfidë e madhe para shtetit është kriza demografike. Krahas kësaj ai theksoi, se ka domosdoshmëri për ide të reja në politikën e jashtme, të bazuara mbi vlerat evropiane për paqe, për superioritetin e ligjit. Presidenti theksoi, se tashmë është koha të fillojë përgatitja e planit “Bullgaria 2030”, në të cilin duhet të formulohen qëllime realiste për realizim. Mirëpo, optimizmi i kreut të shtetit u errësua nga sjellja e disa prej forcave parlamentare. Grupi i Partisë Socialiste Bullgare Bullgaria e Majtë doli nga salla plenare në shenje të protestës kundër refuzimit të shumicës, që në radio dhe televizion të transmetohen edhe reagimet partiake të fjalisë së presidentit. Sipas së majtës kjo tregoi një dëshirë që të fshihen problemet reale dhe mosmarrëveshjet në vend. Ndër të tjerët në sallë nuk ishin deputetët e Demokratëve për Bullgarinë e Fortë, të cilët formalisht janë pjesë e koalicionit në drejtim. Grupi i partisë GERB shprehu keqardhje se me sjelljen e tyre disa forca parlamentare dështuan një nismë të mirë, e cila jepte shpresë për bashkim të politikanëve bullgarë rreth interesave kombëtare. Kështu u vërtetua, se partitë nuk janë në gjendje të bashkohen rreth interesave kombëtare.

Përgatiti në shqip: Svetllana Dimitrova