Nga data 4 deri më 6 nëntor në Sofje u mbajt Konferenca e XI shkencore me pjesëmarrje ndërkombëtare “Kozmosi, ekologjia dhe siguria”, organizuar nga Instituti për Studime dhe Teknologji Kozmike pranë Akademisë Bullgare të Shkencave. Në të u përfshin mbi 70 pjesëmarrës nga vende të ndryshme, mes të cilave ishin Bullgaria, Rusia, Franca, Greqia, Italia, Maqedonia dhe u paraqitën mbi 100 raporte. Ndër tematdiskutuara, krahas studimeve të lëvizjeve kaotike të trupave qiellorë dhe funksionimit të komplekseve të aviacionit pa pilotë, ishte zbatimi i studimeve kozmike në sfera të ndryshme të jetës së njeriut si monitorimi i katastrofave ekologjike, rritja e bimëve në  serrat kozmike, ndikimi i fushës magnetike mbi organizmat e gjallë dhe përdorimi i saj si terapi shoqëruese në hipertoni dhe si profilaksi të infakrtit dhe insultit, metodat nga distanca për kërkimin dhe studimin e naftës dhe gazit.

“Konferenca kaloi nën shenjen e aderimit të Bullgarisë në Agjencinë Kozmike Evropiane. Ditën e parë të konferencës në parlament u miratua njëzëri asociimi dhe ratifikimi i  marrëveshjes së nënshkruar nga Ministri i Ekonomisë Llukarski para disa muajve. Kështu do të mund të realizojmë mundësitë, që Agjencia Evropiane u jep studimeve kozmike në Bullgari” – deklaroi Drejtori i Institutit t për Studime dhe Teknologji Kozmike pranë Akademisë Bullgare të Shkencave prof. Petër Gecov.

Në forum u theksua bashkëpunimi i suksesshëm midis Bullgarisë dhe Rusisë në studimet kozmike:

“Na lidh një miqësi tradicionale shumëvjeçare. Një pjesë e madhe e sukseseve të saj Bullgaria i ka në saj të bashkëpunimit me Rusinë. Ne jemi vendi i gjashtë në botë që ka kozmonaut te vetë dhe shteti i tretë që ka  filluar prodhimin e ushqimeve kozmike. Kemi dy kozmonautë – Georgi Ivanov dhe Aleksandër Aleksandrov. Gjithçka u detyrojmë veteraneve në këtë degë, të cilët na dorëzuan stafetën. Detyra jonë është t’ u transmetojmë dijet tona  brezave që vijnë pas nesh, që të mos mbyllet në Bullgari një fushë aq interesante e shkencës dhe teknologjive” – nënvizoi prof. Gecov.

Sot specialistë bullgarë punojnë në kuadrin e projekteve ndërkombëtare në sferën e studimeve kozmike dhe teknologjive për NASA, COSPAR, IAF, DARA etj. në bashkëpunim të ngushtë me një sërë institutesh  dhe universitetesh prijëse botërore. Dëshmi për njohjen ndërkombëtare të punës kërkimore-shkencore të Instituti bullgar për Studime dhe Teknologji  Kozmike është dekorimi me medaljen e artë për inovacione në fushën e aparateve fluturuese pa pilotë i kolektivit të institutit në Forumin e 9 ndërkombëtar për inovacione dhe dije TESLA FEST, me pjesëmarrjen e 400 shpikësve nga më se 25 shtete, i cili u zhvillua para pak kohe.

Një fakt  kureshtar në konferencë parashtroi prof. Llëçezar Filipov nga departamenti “Astrofizika kozmike” pranë Institutit për  Studime dhe Teknologji Kozmike, me ftesën e të cilit shkencëtarë meksikanë sollën në Sofje trupin e balsamuar të një alieni. Siç thonë, njeriu  sheh atë që do të shohë. Kështu që pjesë prej pjesëmarrësve në konferencë arritën të shohin eksponatin unik.

Përgatiti në shqip: Sofia Popova