Bullgaria zuri pozitë pritjeje për refugjatët dhe Shengenin

botuar më 15-09-12 10.05.PD

Foto: EPA/BGNES

Java e kaluar ishte tepër e vështirë për KE dhe Kryetarin e tij Zhan Klod Junker për shkak të kërkimit të zgjidhjeve për problemin e rëndë me refugjatët. E vështire ishte java edhe për Bullgarinë, sepse ajo duhej të reagonte ndaj ideve, sipas të cilave ndaj planit fillestar për pritjen e 500 refugjatëve u shtuan akoma 1 600. Përfaqësues të lartë të qeverisë lanë të kuptohet, se Sofja është solidare me masat e përcaktuara nga KE, por nuk i pranon pa rezerva. Zëv/kryeministrja Kuneva këmbënguli, qe kuotat për pritjen e detyrueshme të migrantëve duhet të jenë të detyrueshme për të gjithë, që nuk është kështu në këtë moment. Rumania fqinje, p.sh. refuzoi kategorikisht të pranojë kuotën e re të caktuar asaj prej 6 351 refugjatëve dhe deklaroi, se mund të presë jo më shumë se 1 785, sipas parimit vullnetar. Zëv/kryeministrja Kuneva parashtroi gjithashtu idenë, se pëlqimi për pritjen e refugjatëve të lidhet në ndonjë mënyrë me aderimin e Bullgarisë në Shengen. Kësaj ideje iu kundërvë Zëv/kryeministrja Rumjana Bëçvarova, e cila është edhe Ministre e Punëve të Brendshme, e cila deklaroi, se një lidhje e tillë me aderimin në Shengen tani për tani nuk është adekuate. Disa e vlerësuan mospërputhjen e qëndrimeve të të dy zëv/kryeministrave si mosmarrëveshje në qeveri, por më tepër bëhet fjalë për dallim në nuancat. Bëçvarova, si Kuneva gjithashtu është për aderim në hapësirën Shengen, por është e mendimit se kjo të bëhet mbi bazën e kritereve të zbatuara teknike për anëtarësim, sepse lidhja eventuale me problemin e migrantëve, i cili po përvijohet të jetë problem afatgjatë, vetëm mund të ndërlikojë dhe të vonojë aderimin tinë. Zëv/kryeministri i tretë në qeveri, i cili është edhe Ministër i Punës – Ivajllo Kallfin, gjithashtu zuri një pozitë dykuptimësh. Ai u solidarizua me masat e reja të propozuara nga KE për pritjen e detyrueshme, duke theksuar, se Bullgaria mund t’u sigurojë imigrantëve kushte fillestare. Por shtoi, se vendi ynë nuk mund t’i detyrojë refugjatët të qëndrojnë në territorin e tij pa ndryshimet përkatëse në Marrëveshjet e Dublinit, as nuk mund t’u ndalojë atyre të preferojnë të shkojnë në shtetet më të pasura. Bullgaria mund t’u sigurojë imigrantëve vetëm kushte të tilla, të cilat u përgjigjen sistemit të saj social dhe nivelit të pagesave në të dhe do të përpiqet të bëjë për secilin që në të vërtetë përfshihet në jetën e saj ekonomike - dha sigurime Zëv/kryeministri. Në fakt qëndrimet e Sofjes nuk ndryshojnë shumë nga ato të shumë shteteve të tjera. Në praktikë Bullgaria nuk ka me çfarë të pajtohet kategorikisht, pasi ajo si pjesa dërmuese e shteteve të tjera evropiane, dëshiron një politikë të përbashkët për refugjatët, por një politikë të tillë ende nuk ka.

Përgatiti në shqip: Sofia Popova

Последвайте ни и в Google News Showcase, за да научите най-важното от деня!

Ndaje

Bullgaria zuri pozitë pritjeje për refugjatët dhe Shengenin

Më shumë nga rubrika

Cila është partia MEÇ?

Bojko Borisov: Të gjithë janë partnerë potencialë të GERB-it, pa “Vëzrazhdane”

Reagimet e forcave politike pas rezultateve të para zgjedhore (rinovuar)

Ngjarjet me adresë ballkanike