Pse akoma ekziston diskriminimi kundër gjinisë së bukur?

botuar më 15-08-20 2.45.MD

Foto: arkiv

"Pabarazia e gjinive nuk është një fenomen i sipërfaqshëm, i cili mund të korrigjohet lehtësisht. Dimë shumë barsoleta, në të cilat heronjtë janë dy – sekretarja dhe shefi mashkull. Dhe të gjithët së bashku qeshen, kështu siç qeshen amerikanët kur bëhet fjalë për “Nënën tuaj...”. Slogani i viteve të 70-të të shekullit të kaluar “Na jepni gjysmën e botës e merrni gjysmën e shtëpisë” akoma është aktual. “Ligjet në këtë sferë dënojnë diskriminimin e hapur, por nuk mund t’i ndikojnë paragjykimet e lidhura me gratë” – tha në një intervistë për Radio Bullgarinë sociologia Evelina Sllavkova.

"Për fat të keq kjo tablo e shikojmë jo vetëm në Bullgari, por edhe në BE” – vazhdoi ajo. “Për këtë arsye para tre vjetësh KE filloi një diskutim për implementimin e kuotave për gratë. Ambicia është që në vitin 2020 në BE në 40% të posteve përgjegjëse do të punojnë gra. Flasim për pjesëmarrjen e gjinisë së bukur në menaxhimin e kompanive publike. Këtu duhet thënë se Bullgaria, bashkë me Holandën dhe Britaninë e Madhe ishin kundër këtyre kuotave. Jam të mendimit se nuk duhet të bëjmë shaka me “kuotën e femrave” dhe duhet të kuptojmë se njerëzit në poste të larta ndodhen atje për shkak të aftësive të tyre, jo për shkak të gjinisë. Nuk mund të mohoj logjikën e propozimit për kuotë për gratë si një përpjekje për pakësimin e humnerës mes grave dhe burrave në vendin e punës. Në fillim të vitit parlamenti gjerman pranoi kuotë 30% për gratë në bordet e kompanive të mëdha. Kuota të tilla tashmë ka në Francë, Spanjë, Belgjikë, Slloveni, Portugali dhe Poloni”.

Në Bullgari ka një ndryshim të tendencave, bile pa implementimin e kuotave. Sipas të dhënave të fundit 73% të nëpunësve të administratës bullgare janë gra, 30% të këshilltarëve bashkiakë janë përfaqësuese të gjinisë së bukur, 11% janë kryebashkiaket. Në Bullgari fjala “seksizëm” mungon në fjalorin eksplikativ pas vitit 1990. Tashmë flasim për “diskriminim gjinor”. Shkaku për këtë pohim janë rezultatet e një analize të fondacionit “Qendra Bullgare e Studimeve Gjinore” për diskriminimin në bazë të moshës. Sipas tyre diskriminimi në bazë të moshës tashmë i prek gratë në moshë 40-45 vjeçare. Për këtë moshë vihen re edhe paragjykime të tjera – të lidhura me pamjen e gruas dhe me këtë a është e përshtatshme për ndonjë punë konkrete. Sipas Evelinës Sllavova një problem tjetër i rëndësishëm është pabarazia e pagimit të punës. Për të njëjtën pozitë, me kualifikim të njëjtë, gratë marrin më pak para për punën e tyre. Shumë studime tregojnë se rroga e mesme e grave është më e ulët në krahasim me atë të burrave.

Снимка

"Paga e mesme e grave bullgare është 20% më e ulët në krahasim me atë të burrave - saktësoi zonja Sllavova. – Në BE gratë marrin 16% më pak në krahasim me gjininë e fortë, pavarësisht nga arsimi dhe standardi i njëjtë profesional. Në vitin 2012 mesatarisht 83% të grave të rinj në BE mbarojnë të paktën arsim të mesëm, deri sa për meshkujt kjo përqindje është 77,6. Por kjo nuk ndikon pagimin e punës. Femrat që punojnë me orar jo të plotë pune janë tri herë më shumë në krahasim me burrat. Kjo ndikon zhvillimin e karrierës, kompensimet e papunësisë, pensionet e kështu me radhë. Familjet që jetojnë me paratë e fituara nga gratë janë më të varfra.”

Gratë për punëdhënësit janë një “investim i rrezikshëm” sepse mund të përdorin leje amësie dhe kështu ndikojnë negativisht mb punën e ekipit. Kuptimi se gratë duhet të jenë para së gjithësh nëna dhe bashkëshorte akoma është një stereotip. Kërkesat e tregut bashkëkohor rrallë i marrin parasysh nevojat e familjes. Shpesh mendohet se për gratë martesa është një marrje e përgjegjësisë për familjen dhe kështu ato heqin dorë nga profesioni dhe karriera.

Përgatiti në shqip: Jordanka Ivanova

Последвайте ни и в Google News Showcase, за да научите най-важното от деня!

Ndaje

Pse akoma ekziston diskriminimi kundër gjinisë së bukur?

Më shumë nga rubrika

Si do të ndikojë në BE rezultati i zgjedhjeve presidenciale në SHBA

Nënpresidentja Ilijana Jotova hapi një ekspozitë për Trakinë e lashtë në Muzeun Getty

Shpallën renditjen e institucioneve të arsimit të lartë dhe diplomat më fitimprurëse për vitin 2024

Elegjia për Krahinat Perëndimore tingëllon si një requiem

A do të çojë në një sulm bërthamor vendimi i SHBA-ve për të lejuar Ukrainën të godasë objektiva brenda Rusisë me armë të tyre?