Nga 1 deri më 4 prill qyteti Veliko Tërnovo është mikpritës i aktivitetit më të madh, kushtuar turizmit kulturor te ne. Qyteti jo rastësisht gëzon famën e kryeqytetit kulturor të Bullgarisë dhe u bë njëfarë embleme e turizmit bullgar. Me monumentet tona unikale historike nga Mesjeta dhe afishen e pasur kulturore kryeqyteti ynë i vjetër tërheq çdo vit nga 500 deri më 800 mijë vizitues, kurse Kështjella e Mesjetës Carevec është monumenti më i vizituar historik në vend.
Edicioni i sivjetshëm i bursës është i 12-ti me radhë, kurse ekspozuesit janë gjithsej 78. Me stenda të veta paraqiten 40 bashki bullgare, shoqëri turistike dhe pronarë hotelesh, si dhe turoperatorë, të cilët reklamojnë itineraret e tyre më të reja kulturore. Gjatë të gjitha këtyre viteve bursa u zgjerua konsiderueshëm, duke tërhequr edhe pjesëmarrës nga Republika e Afrikës së Jugut, Kroacia, Indonezia, Vietnami, India, Kina, Greqia, Rusia, Rumania, Maqedonia.
Programi zyrtar i ekspozitës është i pasur dhe i shumëllojshëm. Janë parashikuar punishte dhe debate të ndryshme për zhvillimin e degës te ne. Pjesëmarrësit janë duke diskutuar se si turizmi kulturor të përdoret për zgjatjen e stinës turistike, në çfarë mënyre mund ta bëjmë trashëgiminë tonë historiko-kulturore më atraktive për turistët. Në Veliko Tërnovo mbërriti edhe Ministrja e Turizmit Nikolina Angellkova, që të marrë pjesë në takimin vjetor të kryetarëve të bashkive në Bullgari. Theksi i debateve ishte organizimi i administrimit të 9 regjioneve turistike të Bullgarisë.
Krahas bursës po zhvillohet dhe Festivali Kinematografik Bullgar “Në bregun lindor të Evropës”, në të cilin janë duke u paraqitur 56 filma dokumentarë me temë turistike nga 23 shtete. Kurse në kuadrin e konkursit kombëtar online “Lexo dhe Udhëto” konkurrojnë sajte të ndryshme të specializuara në fushën e turizmit.
Aktiviteti më e pritur do të zhvillohet ditën e diel. Atëherë kështjella Carevec do të bëhet skenë e një spektakli grandioz. Organizatorët na premtojnë se do të na kthejnë prapa në kohën, kur qyteti i Tërnovos ka lulëzuar si kryeqytet i Mbretërisë së Dytë Bullgare. Për këtë qëllim do të rikrijohen momente nga jeta e stërgjyshërve tanë, si dhe demonstrime të zejeve tipike të Mesjetës. Sa për gratë, ato do të mund të njihen me teknologjitë e vjetra të përgatitjes së produkteve kozmetike. Ka dhe diçka tjetër: Do të ketë demonstrime të betejave me shpatë dhe mburojë, si dhe të qitjes me hark dhe arbaletë, të shoqëruara me ligjërata për artet luftarake, të cilët paraardhësit tanë i kanë zotëruar shumë mirë. Ndër mbeturinat e kështjellës së dikurshme do të tingëllojë dhe muzikë mesjetare. Muzikantët e grupit “Der Dudelgiest” do të luajnë në veglat tipike të asaj epoke.
Përgatiti në shqip: Vesella Mançeva
Në Ditën e Dyerve të Hapura - 15 Qershor, për herë të parë vizitorët e Muzeut të Mozaikëve në Devnja do të prezantohen me gjetjet e restauruara të zbuluara në vitin 2023. Bëhet fjalë për enë balte dhe llamba, të bëra në stilin e mjeshtrave nga..
Këtë verë, të ftuarit e bashkisë Çepelare do të mund të diversifikojnë pushimet e tyre në natyrën e bukur të Rodopeve me një tjetër rrugë malore. Bëhet fjalë për shtegun e ri turistik “Laboratori i shpellës, Stara Pllanina, shpella e Topçetos, shtylla e..
Fluturime çarter nga Meksika deri në Sofje do të kryhen çdo dy javë deri në fund të nëntorit 2024, raporton bgtourism.bg. Pak ditë më parë në Aeroportin e Sofjes u ul një avion i një kompanie ajrore bullgare me 320 turistë meksikanë. Ky është..
Vendpushimi “Albena” në bregdetin veriore bullgar festoi përvjetorin e tij me 11 mijë turistë, njoftoi BTA. Shumica e të ftuarve janë nga Gadishulli..