Nga 27 deri më 30 mars në Muzeun e Historisë të Sofjes për vitin e dytë me radhë u zhvillua një Atelie për Fëmijë me rastin e Pashkëve. Fëmijët mësuan më shumë për festën e Pashkëve, kurse pas kësaj kishin mundësi për të punuar dekorata të ndryshme lidhur me festën e bukur të krishterë. Ndaj fëmijëve nuk kishte aspak kërkesa. E rëndësishmja ishte për të përdorur maksimalisht imagjinatën e tyre. Ata krijuan shporte të bukura të vogla për vezë, dekorata të ndryshme për murin, vezë të ngjyrosura prej letre, kartolina dhe kurora, të cilat i çuan në shtëpi, që t’i dekorojnë dhomat për ditët e festës. Më shumë hollësi për Atelienë me rastin e Pashkëve na solli Erina Krësteva, kryeeksperte e marrëdhënieve me publikun në muze:
“Vitin e kaluar i ngjyrosnim vezët sipas teknikave tradicionale, sivjet mbështetemi te dekorata e Pashkëve: si ta bëjmë shtëpinë tonë më të bukur, si t’i zhvillojmë aftësitë e fëmijëve, që ta bëjnë vetë dekoratën në shtëpi. Krahas kësaj ne u shpjegojmë atyre se cilat janë traditat e Pashkëve, pse e shënojmë këtë festë, çfarë është simbolika e kësaj feste për të krishterët ortodoksë?”
Materialet për punën u siguruan nga Muzeu i Historisë i Sofjes, kurse mentorët dhe prindërit e ndiqnin punën e fëmijëve me buzë në gaz. Iniciativa tjetër e fëmijëve, e cila do të organizohet nga muzeu, është një kurs arsimor për nxënësit nga klasa e parë deri në klasën e pestë gjatë pushimeve të tyre verore. Ai do të zhvillohet gjatë tërë muajit qershor. Me se do të merren fëmijët?
“Programi përfshin punë të ndryshme në lëmin e arkeologjisë, historisë bullgare, arkitekturës, pikturimit, lojëra të ndryshme, ushtrime dhe shëtitje në Sofje – tregon Erina Krësteva. – Në mëngjes fillojmë me lojërat interesante, që të jenë fëmijët të lumtur gjatë tërë ditës.”
Përgatiti në shqip: Vesella Mançeva
Fotografi: Lluiza Llazarova
Ashtu si një jetë njerëzore 90-vjeçare, fati i kishës metropolitane “Shën Apostuj Pjetër dhe Pali” është i mbushur me ulje-ngritje, me mundime, por edhe me shpëtim. Kjo është ndoshta një nga kishat më pak të njohura në Sofje dhe në të njëjtën kohë e..
Ornitologët dhe dashamirësit e shpendëve festojnë sot Ditën Kombëtare të Shqiponjës. Me këtë rast përfaqësues të Shoqatës Bullgare për Mbrojtjen e Shpendëve prezantojnë para publikut të gjerë fakte interesante për jetën e llojeve të ndryshme të..
Ndryshe nga pritshmëritë, udhëheqësit evropianë nuk arritën një konsensus mbi katër kandidatët kryesorë për postet kryesore të BE-së në takimin e tyre të hënën e kaluar. Megjithatë, ka të ngjarë që kjo të ndodhë në takimin e tyre të rregullt të enjten..
Burgas po pret javën e pesëmbëdhjetë evropiane të qenve, njoftoi BTA. Fillon më 6 korrik në zonën e Bazës së Kuajve në Kopshtin Detar dhe organizohet nga..
Fshati turistik Ribarica në rajonin e Tetevenit po pret edicionin e dymbëdhjetë të “Trabant Fest”, njoftuan organizatorët nga “Klubi Kombëtar Trabant”...
Në rreshtat e mëposhtëm, Radio Bullgaria do t'ju tregojë shkurtimisht kushtet të cilat shtetasit e huaj duhet të plotësojnë, që të përdorin ndihmën..