Sulmi kundër redaksisë së revistës satirike franceze “Charlie Hebdo” në qendrën e Parisit, në të cilin ishin vrarë 12 veta e tronditi botën. Ishte goditur simboli i tolerancës dhe lirisë. Kjo u ndodh në shtetin, i cili hapi dyert e vetë për njerëzit e ndryshëm, për të gjithët që kërkojnë të drejta të barabarta dhe jetë pa dhunë. Shteti, në të cilin secili e ka të drejtën të manifestojë fenë e vet, t’i mbrojë besimet e tij pa frikë. E gjithë kjo liri është mbrojtur në vazhdim të qindra viteve me çmimin e shumë viktimave dhe tani është diçka, me të cilën krenohet secili francez. Për këtë arsye sulmi kundër revistës “Charlie Hebdo” pranohet nga të gjithë njerëzit me mendim të lirë si një sulm kundër të drejtës së shprehjes së lirë.
Sipas fjalëve të gazetarit francez Hugues Huet nga televizioni kombëtar France 3, Franca ka përjetuar periudha të ndryshme me atentate, që i kishin shenjat e akteve terroriste, në të cilat viktimat janë njerëz të rastësishëm:
“Atentati i fundit dhe më tronditës ishte gjatë kohës së luftës civile në Algjeri (1995-1996) – atëherë në një stacion të metrosë së Parisit ishin vrarë 8 viktima. Deri atëherë ky ishte atentati më i gjakosur në territorin e Francës. Në vitet e 80-të të shekullit të XX-të gjithashtu kishte shumë atentate të lidhura me grupimin pro iranian Hizbullah, por deri tani nuk kishte pasur një atentat aq i tronditur dhe aq brutal kundër një simboli – atij të republikës, të shtetit laik, të lirisë së shprehjes. Ky është krimi më i gjakosur dhe më i neveritshëm që nga lufta në Algjeri, d.m.th. – për 50 vjetët e fundit.”
Sipas fjalëve të gazetarit vrasjet ishin kryer me gjakftohtësi. Vrasësit e kishin përgatitur krimin paraprakisht, kishin informatë për secilin prej viktimave. Krimi është diçka më shumë se vetëgjyqësi me njerëz, të cilët mendojnë në mënyrë tjetër, është mësim për të gjithët që e kanë guximin të dalin në rrugën e fanatizmit. Është paralajmërim për gazetarët, të cilët damkosin mizoritë e përkrahësve të xhihadizmit. Për këtë arsye të gjithë gazetarët në botë shprehën përkrahje për kolegët e tyre francezë duke shkruar “Unë jam Charlie” në shenjë solidariteti. Gazetarët frankofonë në Bullgari u mblodhën para Institutit Kulturor Francez në Sofje, pozitën e vet e treguan atje edhe shumë njerëz të zakonshëm.
“Falënderoj shumë për mirëkuptimin. Mora shumë ngushëllime nga media të ndryshme në botë. Si gazetar francez jam shumë i tronditur nga reagimet e kolegëve.”
Përgatiti në shqip: Jordanka Ivanova
Në mes të janarit të këtij viti tetë shoqata kulturore dhe arsimore bullgare nga Bosilegradi, Caribrodi, Zvonci, Vranja, Pirot dhe Niš i dërguan një letër të hapur Presidentit të Serbisë Aleksandër Vuçiq, Avokatit të Popullit Zoran Pašalić, Delegacionit të..
Në ekspozitën-konferencë High Security Printing EMEA-2025 në Bazel të Zvicrës, karta bullgare e identitetit fitoi vendin e parë për kartën më të mirë të identitetit në Evropë për vitin 2024, njoftoi Ministria e Brendshme. Përveç dizajnit të saj modern dhe..
Një ekip prej 12 nxënësish bullgarë të klasës së 11-të, i udhëhequr nga Elica Pavllova, fitoi vendin e parë midis pjesëmarrësve nga e gjithë bota në konkursin prestigjioz të projektimit të kolonive hapësinore të organizuar nga Shoqëria Kombëtare e Hapësirës..