Bullgaria është vendi më i varfër i BE-së dhe për këtë shkak nuk është atraktive për emigrantët ekonomikë, të cilët preferojnë Perëndimin. Pasi Bullgaria u anëtarësua në BE më 2007 dhe pasaporta bullgare mundëson udhëtimin e lirshëm në BE, shumë shtetas të huaj filluan të aplikojnë për dokumente bullgare. Dhe jo vetëm nga vendet fqinje Maqedonia dhe Turqia, por edhe nga vendet më të largëta – Moldavia dhe Ukraina ku ka pakicë etnike bullgare. Të interesuarit për dokumentet bullgare janë po ashtu dhe dhjetëra mijë refugjatët, të mbërritur në vend për shkak të konflikteve në Lindjen e Mesme dhe Afrikë. Ata marrin statusit e refugjatit dhe me të udhëtojnë lirshëm në tërë BE-në.
Por ka dhe një grup tjetër të huaj të cilët investojnë minimum 500 mijë euro për ta marrë pasaportën bullgare. Këta janë rusët, të cilët aplikojnë për dokumentet bullgare, të shtyrë nga arsye të ndryshme. Këto ditë u bë e qartë se gjatë 2014-ës 5 shtetas të Rusisë kanë marrë pasaportë bullgare. Për ta disponuar atë, rusët kanë investuar së paku 500 mijë euro në Bullgari.
Rusët janë motivuar për t’u vendosur në vend sepse kultura dhe gjuha bullgare ka shumë tipare të përbashkëta me atë ruse. Pa problem rusët mund të komunikojnë në gjuhën e tyre amtare dhe merren vesh nga bullgarët. Plus që në vend takojnë mjaft bashkatdhetarë të tyre, të cilët kanë blerë shtëpi për pushime në bregdetin e Detit të Zi. Bile në disa pushimore detare janë formuar lagje të tëra ku jetojnë rusë, ka dyqane ruse dhe kopshte fëmijësh. E gjitha kjo i stimuloi rusët që të bëjnë biznes në Bullgari.
Mos harrojmë se për shkak të krizës në Ukrainë dhe pasi BE-ja sanksionoi Rusinë, aksesi i rusëve në tregjet evropiane dhe në Amerikë u vështirësua. Duke marrë pasaportën bullgare, problemet e lartpërmendura menjëherë zhduken. Sigurisht se investime nga 500 mijë euro janë të mirëpritura në Bullgari.
Përgatiti në shqip: Anna Kapitanova
Të ardhurat më të larta të deklaruara për vitin e kaluar janë 70 milionë leva (35 785 000euro), sipas të dhënave të Agjencisë Kombëtare të të Ardhurave pas përfundimit të fushatës tatimore dhe deklarimit të të ardhurave të personave fizikë. Mjetet..
Në muajin maj, situata ekonomike në vend është përmirësuar për të dytin muaj radhazi. Përmirësim ka pasur në tregtinë me pakicë, ndërtim dhe shërbime, por ka pasur rënie në industri. Në ndërtim, industri dhe në sektorin e shërbimeve nuk pritet..
Banka Kombëtare Bullgare (BNB) publikoi "Rishikimin e masave të vendosura për rreziqet me të cilat përballet sistemi bankar", nga kreditë e siguruara me hipotekë për banesat dhe pasuritë e paluajtshme. “Shqetësime të tilla kanë arsye serioze duke..
Derisa të ardhurat mesatare të popullsisë të arrijnë 80% të mesatares evropiane, nuk duhet të hyjmë në Eurozonë. Së bashku me të shkon edhe inflacioni..