Gjatë viteve të Luftës së Dytë Botërore muzikanti Dragan Prokopiev ia vuri vetes detyrën ambicioze të krijojë një kor pranë Ushtrisë Bullgare. Grupi i formuar prej tij është prototipi i Ansamblit të sotëm Përfaqësiv të Forcave të Armatosura, prej të cilit dolën breza të tëra muzikantësh.
“Formimi i një ansambli të tillë është një proces i ndërlikuar. Fillova me themelimin e korit. Shfrytëzova bazën materiale të Gjimnazit të Parë të Meshkujve, ku isha pedagog. Disponova një kabinet me afro 120 vegla muzikore. Botova një njoftim në gazetat, se organizohet një konkurs për formimin e një ansambli profesional pranë Ushtrisë Bullgare. Erdhën kandidatë nga koret “Guslla” dhe “Kavall” dhe nga formacione të tjera. Shumë njerëz nuk besuan, se në Bullgari mund të formohet një kor profesional. Me muzikantët e parë fillova një punë praktike për mësimin e repertorit.”
Vetëmohimi i muzikantit Dragan Prokopiev dhe përpjekjet e koristëve u shpërblyen. Në një formacion prej 26 vetave nën emrin Kor Përfaqësiv Ushtarak ansambli dha koncertin e parë në vitin 1944. Qëllimi tjetër i dirigjentit të tij ishte të tërheq edhe instrumentistë. Kështu dalë ngadalë u formua edhe orkestra pranë korit. Në këtë formacion të zgjeruar Ansambli i Ushtrisë Popullore Bullgare u prezantua në Teatrin Muzikor gjatë vitit 1945. Jehonat e koncertit ishin të ngazëlluara. Një kontribut të madh për formimin e ansamblit ka kompozitori Asen Karastojanov, i cili krijoi posaçërisht për të më se 50 këngë. Me kalimin e kohës Dragan Prokopievi arriti të tërheqë disa prej këngëtarëve më të mirë të Bullgarisë nga kjo periudhë – Dimitër Uzunov, Nikolla Nikollov e të tjerë.
Nuk duhet të harrojmë një nga detajet e rëndësishme lidhur me historinë e Ansamblit të Ushtrisë Popullore Bullgare. Në vitin 1962 pranë Teatrit të Ushtrisë Popullore u krijua Ansambli i Muzikës së Estradës pranë Ushtrisë. Me të lidhen disa prej emrave më të mëdhenj të muzikës zbavitëse bullgare si Irina Çmihova, Margret Nikollova. Krahas kësaj këtu është vendi të përmendim, se pikërisht në skenën e tij u shfaq mjuzikëlli i parë në Bullgari. Në vitin 1977 Ansambli i Estradës u bë pjesë e Ansamblit të Këngëve dhe Valleve të Ushtrisë Popullore Bullgare.
Përgatiti në shqip: Svetllana Dimitrova
Fotografitë janë nga arkivi i Ansamblit
Një grup yjor dhe një këngëtar yjor u bashkuan për të ringjallur një këngë të shkruar gati një çerek shekulli më parë. D2 dhe Grafa incizuan këngën e tyre të përbashkët "Sa e bukur je", e cila u publikua këtë të diele në kanalin zyrtar të D2 në..
Djemtë e dyshes së njohur “Molec” po i japin fund turneut të tyre në mbarë vendin me një shfaqje spektakolare. Më 21 nëntor në sallën Arena Sofja, Kris Makarov dhe Juli Sllavçev do të na përcjellin në universin e tyre muzikor. “Tre vjet pas shfaqjes së..
Turneu "30 vjet B.T.R.", me të cilin një nga grupet më të rëndësishme të rock-ut në Bullgari feston përvjetorin, do të përfundojë me jo një, por dy koncerte në sallën 1 të Pallatit Kombëtar të Kulturës. Për shkak të interesimit të madh për të parin - më 20..
Për Plamen Bonev De La Bona, si interpretues dhe autor i muzikës, viti 2024 është plot dashuri. “Dua” titullohet kënga e tij e fundit, e cila i ka dhënë..
Pop akustik me rrënjë në folklorin bullgar - kjo është muzika me të cilën jemi mësuar të lidhim dyshen Dimitër dhe Hristo. Ata janë Dimitër Atanasov dhe..
Pjesërisht me re
Vranësira të dendura