Dinamika kureshtare e banorëve në vendbanimet bullgare

botuar më 14-08-17 2.05.MD

Foto: Veneta Nikollova

Agjencia Telegrafike Bullgare BTA gjatë kësaj jave publikoi të dhëna interesante, marrë nga Regjistri Kombëtar i Vendbanimeve Bullgare për numrin e banorëve në lokalitetet e Bullgarisë. Tek fundi i viti 2013 në vendin tonë ka pasur 5 268 vendbanime, prej të cilave 257 qytete, 5009 fshatra dhe dy manastire me status të vendbanimit. Prej të gjitha qyteteve, ku banorët janë rritur, vetëm 7 janë qendra qarku. Ndryshim në numrin e popullsisë nuk ka vetëm në dy qytete, ndërsa në 220 – ajo ulet. Rritja më e madhe është regjistruar në Sofje, ku numri i popullsisë ka arritur në 1 212 935. Më shumë se 100 000 banorë kanë vetëm 7 qytete bullgare, ndërsa më pak se një mijë vetëm katër. Qyteti më i vogël ka qenë Mellnik me 208 banorë, fshati më i madh – Llozen afër Sofjes, me popullsi prej 6 322 vetash. Është paradoksale, se për nga numri i banorëve fshati Llozen është më i madh se gjysma e qyteteve në Bullgari – 142. Fshati i dyte për nga numri i banorëve është Ajdemir afër qytetit Silistra. Gjatë vitit 2013 popullsia e tij është ulur me 70 veta, por pavarësisht nga kjo, me 5 914 banorët e tij ai ka qenë më i madh se popullsia e 139 qyteteve. Është kureshtare të nënvizohet, se në dy manastiret me status të vendbanimit – ai i Klisurës, në qarkun Montana, dhe Manastiri i Rillës, qarku i Kjustendillit, numri i banorëve gjithashtu është ndryshuar. Popullsia në manastirin e parë është pakësuar me dy veta duke arritur në 14, ndërsa në të dytin është rritur me dy veta duke arritur në 36. Gjatë vitit 2013 janë mbyllur me akt administrativ katër fshatra.

Përgatiti në shqip: Sofia Popova

Последвайте ни и в Google News Showcase, за да научите най-важното от деня!

Ndaje

Dinamika kureshtare e banorëve në vendbanimet bullgare

Më shumë nga rubrika

Pse Sofja është kryeqyteti i përshtatshëm për Tubimin Panortodoks

Bullgaria është e para në BE që realizoi inteligjencën artificiale të nivelit të lartë në gjuhën e saj

Ekipi i ri i Ursula von der Leyen: a do të arrihet një "marrëveshje paketë" për të miratuar të gjithë komisionerët e BE-së

Pse Sofja është kryeqyteti i përshtatshëm për Tubimin Panortodoks