Salloni ndërkombëtar i modës “Who’s next” në Paris, i krijuar para rreth 30 vitesh, fitoi famën e një forumi kryesor, ku paraqiten tendencat e fundit të modës në veshjet dhe aksesorët jashtë sferës së modës së lartë. Në saje të Agjencisë Ekzekutive për Inkurajimin e Ndërmarrjeve të Vogla dhe të Mesme, modelistët bullgarë patën mundësinë jo për herë të parë të paraqiten atje që në fillim të korrikut. Stili i tyre ishte vlerësuar menjëherë. Do t’ju takojmë me dy prej tyre – me argjendarin Petër Arbov dhe modisten e re Valentina Antonov.
Petër Arbov punon në këtë degë prej 25 viteve dhe ka kaluar përmes periudhave të ndryshme të kërkimeve të tij krijuese. Aktualisht këto kërkime janë lidhur me përdorimin e pjesëve të orëve të vjetra, telefonave elektronikë, fotoaparateve etj. E gjithë kjo i afron veprat e tij me stilin “Vintixh”.
“Më parë punoja kryesisht me flori, brilante dhe materiale të tjera të shtrenjta, por hoqa dorë, sepse ari tërheq njerëz të veçantë, të cilët mua personalisht nuk më pëlqejnë shumë. Argjendi, për shembull, të jep më shumë liri krijuese. Sa për veprat e mia të fundit, gjithçka është imagjinatë. Materialet janë më të lira, investimi është i vogël, prandaj imagjinata duhet të jetë më e madhe. Kombinoj elementet e veçanta të orëve, telefonave, fotoaparateve, shtypshkronjave të vjetra etj. në modele të ndryshme prej argjendi, mesingu, mjalti.”
Si i pranuan veprat tuaja në ekspozitë?
“Tashmë pesë vjet e imponoj këtë stil. Kjo është një tendencë edhe në plan botëror. Pret që deri në një-dy vjet ai të jetë i modës. Pasi ai industrializohet, atëherë do të kërkojë diçka tjetër. Jam shumë i kënaqur për këtë ekspozitë, sepse gjeta klientët e mi. Në vende të tilla njeriu mbushet me energji dhe ide të reja.”
Arbov ka marrë pjesë në një ekspozitë të tillë në Milano, por mendon se Parisi është forumi më i rëndësishëm në këtë fushë.
Parisi është qyteti, në të cilin ka mësuar dhe ka jetuar bullgarja e re Valentina Antonov. Ajo nuk është modiste për nga profesioni, por gazetare në sferën e modës. Komunikimi me korifenjtë e këtij arti i ka zbuluar sekretet e zanatit dhe dalëngadalë ajo ka filluar të merret me modë. Aktualisht modistja e re punon në Bullgari me akoma dy kolegë bullgarë. “Dizajni gjithmonë ka qenë brenda meje – thotë ajo. – Thjeshtë nuk kisha hapur derën e vogël drejt imagjinatës sime” – thotë ajo. Një gazetare franceze e modës e cakton stilin e markës së saj “Mera” si “një gërshetim të suksesshëm të elegancës së veshjeve të saj të darkës me jetën e përditshme”
“Ai është për çdo një grua, e cila e do veten dhe nuk ka frikë për të shprehur nëpërmjet veshjes emocionet e saj. Ky është një stil, me të cilin gruaja mund të ndihet e bukur dhe e fuqishme gjatë tërë ditës dhe jo vetëm në darkë. Nuk kemi shumë kohë për shumë fjalë dhe shpjegime në jetën tonë të përditshme. Kështu qe gruaja mund të shprehë vetveten para njerëzve, me të cilët komunikon tërë ditën, nëpërmjet veshjes së saj, që paraqet energjinë e saj, aurën, temperamentin, shpirtin e saj. Stili ynë është i pastruar dhe në të njëjtën kohë shprehës. Ne e vëmë theksin te figura e femrës nëpërmjet detajeve modeste.”
Valentina Antonov është frymëzuar nga komunikimi i këndshëm me kolegët e ekspozitës “Who’s next” në Paris, ekspozitë kjo që i dha shtytjen e domosdoshme fillestare. Në forume të tilla vendosen shumë kontakte të dobishme.
Përgatiti në shqip: Vesella Mançeva
Fotografi: arkiv personal
Në renditjen Impact Rankings 2024 të Times Higher Education (THE), botuar më 12 qershor 2024, Universiteti i Sofjes "Shën Kliment Ohridski" u rendit në vendin 401-600 në mesin e 1963 universiteteve në botë. Alma Mater merr pjesë në renditje për të..
Lodhja nga zgjedhjet, pjesëmarrja jashtëzakonisht e ulët e votuesve (pak mbi 30%), të rinjtë në qendrat e votimit dhe një shpresë e brishtë, thuajse e paperceptueshme për stabilitet dhe normalitet politik. Kështu mund t'i përshkruajmë zgjedhjet e kaluara..
Interesimi për zgjedhjet për Parlamentin bullgar dhe Parlamentin Evropian në Maqedoninë e Veriut është i njëjtë si në zgjedhjet e mëparshme - numri i votuesve pritet të jetë i njëjtë, rreth 130. Por bullgarët e Maqedonisë së Veriut u ngopën me votimin e..
Në Bullgari, sipas të dhënave jozyrtare janë 120 mijë persona me probleme në të dëgjuarin. Shumë prej tyre nuk duan të mësojnë gjuhën e shenjave, edhe..
Fshati turistik Ribarica në rajonin e Tetevenit po pret edicionin e dymbëdhjetë të “Trabant Fest”, njoftuan organizatorët nga “Klubi Kombëtar Trabant”...
Burgas po pret javën e pesëmbëdhjetë evropiane të qenve, njoftoi BTA. Fillon më 6 korrik në zonën e Bazës së Kuajve në Kopshtin Detar dhe organizohet nga..