Pasi që gjatë vitit 2004 u aderua në NATO-në, Bullgaria për herë të radhës u bë tribuna e propagandës së Aleancës, kjo herë drejtuar ndaj bregut të kundërt të Detit të Zi. Nën pretekstin për kapërcim të sfidave të reja – kuptoje “revolucionin e pasuksesshëm pranveror” në Ukrainë sipas matricës së të ashtuquajturave revolucione në disa vende të Afrikës Veriore para kohë – në Sofje u zhvillua një forum nën formulimin zyrtar “Konferenca e NATO-së me partnerët strategjikë ushtarakë në nivel të shefave të mbrojtjes”, organizuar nga Komanda Aleate e NATO-së për Transformim. Kurse tema ishte “Interesa të përbashkëta ushtarake”.
Në kryeqytetin e Sofjes u takuan delegacione të vendeve anëtare të NATO-s, si dhe të vendeve partnere të NATO-s, përfshiu dhe të Ukrainës që të ndjekin fjalimin e gjeneralit Xhan-Pol Palomeros. Ky i fundit është komandant suprem i Komandës Aleate të NATO-së për Transformim. Komandanti vuri në dukje se aneksimi i Krimesë nga Rusia është akt i papranueshëm dhe prania e forcave të NATO-s në zonat afër Rusisë, përfshiu Detin e Zi, është shenjë solidariteti me anëtarët dhe partnerët e Aleancës. Gjeniali Palomeros tha se kriza në Ukrainë dhe aneksimi i Krimesë përbëjnë rrezik për vendet e reja të Evropës Lindore. Po ashtu gjenerali theksoi se NATO-ja është gati të reagojë në çdo situatë që të ruajë paqen dhe vlerat e veta.
Xhan-Pol Palomeros bëri të qartë se pas Kosovës, Afganistanit, Irakut dhe Afrikës Veriore, erdhi koha e regjionit të Detit të Zi. Gjenerali përmendi rolin e rëndësishëm që mund të luajë Bullgaria në këtë kontekst, duke theksuar nivelin e lartë të Ushtrisë Bullgare. Duke u marrë parasysh disa ftesa të bëra nga ana e presidentit Rosen Plevneliev për prani më të madhe të bazave amerikane në Bullgari, u bë e qartë se gradualisht Sofja angazhohet me një skenar të caktuar për destabilizimin e regjionit të Detit të Zi me qëndrim kundër-Rusisë.
Në konferencën ku morën pjesë 53 vende të NATO-s, shefi i mbrojtjes, gjen. Simeon Simeonov vuri në dukje se përpjekjet duhet të bashkohen që të garantohet paqja dhe siguria. Po ashtu ministri Simeonov shprehu përkrahjen për iniciativat ndërkombëtare të NATO-s, dhe në veçanti për iniciativën e mbrojtjes inteligjente, konceptin për një komb prijës dhe iniciativën për ndërlidhjen e forcave.
Para disa ditësh një e përditshme kryeqytetase kishte shkruar: “Në përpjekjet e saj të tepruara që të mund të pëlqehet nga SHBA-ja, Bullgaria u ngarkua kaq se çfarë hap të ndërmarrë prapë do të gabojë. Më mirë të mos bëjë asgjë. Nuk do ta bëjë Centralin Bërthamor “Belene”, nuk do ta bëjë “Rrymën Jugore”, nuk do të bëjë as politikë të jashtme. Bullgarisë i mjafton tabela “S’jam” dhe do të zgjidhë të gjitha problemet që ka.”
Përgatiti në shqip: Anna Kapitanova
*Pozita e autorit mund të mos përputhet me atë të medias
Turqia dëshiron të anëtarësohet në BRICS Turqia ka aplikuar për anëtarësim të plotë në BRICS dhe anëtarësimi i saj do të diskutohet në samitin e organizatës në Rusi në tetor, raportojnë mediat bullgare. Nëse pranohet, do të jetë vendi i parë..
Shoqata "Pаsardhësit e refugjatëve dhe migrantëve nga territori i Republikës së Maqedonisë së Veriut dhe miq" shpërndau një letër të hapur drejtuar komunitetit shqiptar në Maqedoninë e Veriut dhe përfaqësive diplomatike të akredituara në RSM dhe..
Serbia blen avionë luftarakë “Rafale” nga Franca për 2.7 miliardë euro Për gjithsej 2,7 miliardë euro, Serbia do të blejë nga kompania franceze “Dassault Aviation” 12 avionë të rinj luftarakë “Rafale” – 9 me një vend dhe 3 dyvendësh...