Para disa ditësh qeveria bullgare miratoi strategji për zhvillimin e qeverisjes elektronike në vend. Deri në vitin 2020 e-qeverisja duhet të lehtësojë administratën publike, biznesin dhe qytetarët. Në fakt, kjo është strategjia e dytë 10 vjetët e fundit. Si duket, strategjia e mëparshme nuk ka korrur suksese. Bullgaria është kamion në përpilimin e strategjive, programeve dhe në hartimin e planeve për zhvillim të shërbimeve elektronike. Por ndërkohë është e fundit në Evropë në aplikimin e të lartpërmendurve. Këtë e tha bile zëvendës kryeministrja Daniella Bobeva.
Statistika e qeverisë tregon se nga 562 administratat mezi 80 ofrojnë e-shërbime. Aplikimi i qeverisjes elektronike është në favor të të gjithë shoqërisë. Vështirësitë administrative për biznesin, qytetarët dhe nëpunësit kushtojnë 1 mlrd euro në vit. Ekspertët janë të mendimit se pasi të startojë e-qeverisja, shuma do të pakësohet me 30%.
A kemi kushte të përshtatshme për e-qeverisjen?
Bullgaria është e njohur me qasjen e mirë tek interneti. Bile është në treshen e disa klasifikimeve ndërkombëtare. Ky është një kusht i mirë për aplikimin e qeverisjes elektronike. Kjo e fundit gëzon interes të madh në institucionet ku funksionon. Bëhet fjalë për disa bashki moderne dhe për sigurimin publik. Po ashtu ka një portal kombëtar i cili ofron e-shërbime për testim.
Pak shqetësuese janë të dhënat e fundit për konsumin e internetit në Bullgari. Sipas tyre mezi 54% e bullgarëve kanë qasje tek interneti. Gjithsesi me kalimin e kohës ky numër pakësohet. Popullsia në Bullgari numëron rreth 7 mln veta dhe më 2010 pa qasje në internet ishin 3 mln veta, më 2011 – 2.5 mln veta, më 2012 – 2.38 mln veta dhe gjatë vitit të kaluar – 2.28 mln veta.
Tendenca e re u mor parasysh në programin e ri të qeverisë i cili program është me afat përfundimtar deri më 2020. E-qeverisja do të financohet me 145 mln euro nga BE-ja destinuar rritjes digjitale dhe me 30 mln euro të tjera destinuar infrastrukturës në zonat rurale. Besohet se strategjia e re për e-shërbimet nuk do të mbetet vetëm në letër.
Përgatiti në shqip: Anna Kapitanova
Ka filluar modernizimi i bazës prodhuese të ndërmarrjes së vetme shtetërore të përpunimit të qumështit “LB Bulgaricum” në Vidin, siç ishte premtuar nga pushtetarët. Renovimi i bazës prodhuese do të kryhet në faza, njoftoi Ministria e Ekonomisë. Në..
Dorëzimi i parë i gazit natyror në Bullgari u bë sot përmes terminalit të ri në qytetin grek Aleksandrupolis. Funksionimi komercial i objektit është fakt që prej 1 tetorit të këtij viti dhe vendi ynë është pronar i 20% të projektit, i cili..
Më 1 tetor në Burgas hapet zyrtarisht uzina e parë bullgare për automobila të blinduar të kompanisë International Armored Group (IAG). Në bazë, të vendosur në një sipërfaqe prej 150 mijë metrash katrorë, do të prodhohen pajisje mbrojtëse bullgare..
Pjesërisht me re
Vranësira të dendura